పాట్నా: బీహార్‌లో మరో వంతెన కుప్పకూలింది. వారంలో ఇది రెండో ఘటన. ఇటీవల నిర్మాణంలో ఉన్న ఓ వంతెన కూలింది. ఇప్పుడు బీహార్‌లోని సివాన్ జిల్లాలో గల గండక్ కాలువపై ఉన్న వంతెన కూలింది. అయితే ఈ ఘటనలో ఎవరికీ ప్రాణనష్టం జరగలేదు. మహారాజ్‌గంజ్ జిల్లాలోని పటేధి బజార్ మార్కెట్‌ను, దర్భంగాలోని రామ్‌గఢ్ పంచాయతీని ఈ వంతెన కలుపుతుంది. శనివారం ఉదయం ఈ వంతెన ఒక్కసారిగా భారీ శబ్దంతో కూలింది.
ఈ వంతెనపై నుంచి ప్రతిరోజు వందలాదిమంది రాకపోకలు సాగిస్తుంటారు. నిర్వాహణ లోపం వల్లే వంతెన కూలిపోయిందని, ఇందుకు అధికారుల నిర్లక్ష్యమే కారణమని స్థానికులు ఆరోపిస్తున్నారు. ఈ వంతెన దాదాపు 40 సంవత్సరాల క్రితం నిర్మించింది. ఈ వంతెన కూలిపోవడంతో గండక్ కాలువ మీదుగా రాకపోకలు స్తంభించాయి.
बिहार के सिवान में एक और पूल टूट कर गिरा,बजाओ ताली !
एक सप्ताह के अंदर ये दूसरा पूल है और साल भर का तो गिनती ही छोड़ दीजिए !
##Bihar #Pool pic.twitter.com/j3jbqQrj2b
— Mukesh singh (@Mukesh_Journo) June 22, 2024