‘బాహుబలి 2’ కంటే మూడు రెట్లు అధికంగా..

ఇండియాస్ బిగ్గెస్ట్ వీఎఫ్‌ఎక్స్ మూవీగా ఇప్పటి వరకు ‘బాహుబలి 2’ నిలిచింది. ‘బాహుబలి 2’ కోసం దర్శక ధీరుడు రాజమౌళి ఏకంగా 2500లకు పైగా వీఎఫ్‌ఎక్స్ షాట్స్‌ను షూట్ చేశాడు. ఇప్పటి వరకు ఇండియాలో మరే సినిమా కూడా ఆ రేంజ్‌లో వీఎఫ్‌ఎక్స్ షాట్స్‌తో రాలేదు. ఇక ‘బాహుబలి 2’ ను మించిన సినిమా ‘ఆదిపురుష్’ అంటూ మొదటి నుండి చెబుతూ వస్తున్నారు. బాహుబలి 2 సినిమా కంటే ఏకంగా మూడు రెట్లు అదనంగా ‘ఆదిపురుష్’లో వీఎఫ్‌ఎక్స్ షాట్స్ ఉన్నాయంటూ తెలిసింది. ఆదిపురుష్ సినిమా విజువల్ వండర్‌గా ఉండబోతుందట. సినిమాలో దాదాపుగా 90 శాతం వరకు వీఎఫ్‌ఎక్స్ సన్నివేశాలు ఉంటాయని అంటున్నారు. ఈ సినిమాలో ఏకంగా 8000 లకు కాస్త అటు ఇటుగా వీఎఫ్‌ఎక్స్ సన్నివేశాలు ఉంటాయట. అంటే ఇది ‘బాహుబలి 2’కు ఏకంగా మూడు రెట్లు అదనం.

ఈ సినిమాలో మోషన్ గ్రాఫిక్స్‌ను కూడా దర్శకుడు ఓమ్ రౌత్ చూపించబోతున్నాడు. ‘బాహుబలి 2’ ఇప్పటి వరకు ఇండియాస్ బిగ్గెస్ట్ వీఎఫ్‌ఎక్స్ మూవీనే కాకుండా వసూళ్ల విషయంలో కూడా దీన్ని మించిన సినిమా రాలేదు. ఇప్పుడు వీఎఫ్‌ఎక్స్ షాట్స్ విషయంలో ‘ఆదిపురుష్’ ఆ సినిమాను దాటేస్తోంది. ఇక వసూళ్ల విషయంలో ‘బాహుబలి 2’ను ‘ఆదిపురుష్’ బ్రేక్ చేస్తుందేమో చూడాలి. ఈ రెండు సినిమాల్లో కూడా హీరో ప్రభాస్ అనే విషయం తెలిసిందే. రికార్డు బ్రేక్ అయినా కాకున్నా తెలుగు వారికి ఇది గర్వ కారణమే.

Aadi Purush have 3 times more VFX Shots than Baahubali 2