టాలీవుడ్‌లో ఉన్న క్రేజీ కాంబినేషన్లలో మాచో స్టార్ గోపీచంద్, డైరెక్టర్ శ్రీవాస్ కాంబినేషన్ ఒకటి. వారి కలయికలో గతంలో ’లక్ష్యం’, ’లౌక్యం’ వంటి సూపర్ హిట్లు వచ్చాయి. ఇప్పుడు ’రామబాణం’ కోసం ముచ్చటగా మూడోసారి చేతులు కలిపిన ఈ జోడి హ్యాట్రిక్ పై కన్నేసింది. పైగా వీరికి వరుస బ్లాక్ బస్టర్లతో దూసుకుపోతున్న ప్రముఖ నిర్మాణ సంస్థ పీపుల్ మీడియా ఫ్యాక్టరీ బ్యానర్ తోడైంది. టీజీ విశ్వప్రసాద్, వివేక్ కూచిభొట్ల సంయుక్తంగా భారీ స్థాయిలో ఈ చిత్రాన్ని నిర్మిస్తున్నారు. ఇందు లో గోపీచంద్ సరసన నాయికగా డింపుల్ హయతి నటిస్తుండగా,
జగపతి బాబు, కుష్బూ ప్రధాన పాత్ర ల్లో నటిస్తున్నారు. ఈ చిత్రం నుంచి మరో కొత్త పో స్టర్ విడుదలైంది. ఇక ఇది పరీక్షల సమయం కావడంతో విద్యార్థులకు ఆల్ ది బెస్ట్ చెబుతూ మేకర్స్ ‘రామబాణం’ నుంచి కొత్త పోస్టర్ ను వదిలారు. గోపీచంద్ పవర్ ఫుల్ లుక్ తో ఉన్న పోస్టర్ ఎంతగానో ఆకట్టుకుంటోంది. అలాగే ఈ చిత్రాన్ని మే 5న విడుదల చేయబోతున్నట్లు పోస్టర్ లో పేర్కొన్నారు. ఈ సినిమాలో విక్కీ అనే పవర్ ఫుల్ పాత్ర లో గోపీచంద్ సరికొత్తగా కనిపించనున్నారు.