ఓ హోటల్‌లో డ్రగ్స్ రైడ్‌ చేస్తుండగా మలయాళ ప్రముఖ నటుడు షైన్ టామ్ చాకో పారిపోయినట్లు పలు వార్తా కథనాలు వస్తున్నాయి. గతంలో ఓ మూవీ షూటింగ్ సమయంలో షైన్ డ్రగ్స్ తీసుకుని తనతో అసభ్యకరంగా ప్రవర్తించాడని ఆరోపించిన మలయాళ నటి విన్సీ సోనీ అలోషియస్.. తాజాగా కేరళ ఫిల్మ్ ఛాంబర్‌తో పాటు అమ్మ అసోసియేషన్‌కు ఫిర్యాదు చేసింది.
ఈ క్రమంలో షైన్ టామ్ చాకో కొచ్చిలోని ఓ హోటల్‌లో డ్రగ్స్ వినియోగిస్తున్నారన్న సమాచారంతో నార్కోటిక్ పోలీసులు రైడ్స్ చేశారు. విషయం తెలసుకున్న షైన్.. పోలీసులు హోటల్‌కు రావడానికి కొద్దిసేపటి ముందే హోటల్ నుంచి పారిపోయినట్లు సమాచారం. మూడో అంతస్తులో ఉన్న రూం కిటికీ నుండి రెండో అంతస్తులోకి దూకి, అక్కడి నుంచి మెట్ల ద్వారా షైన్ టామ్ చాకో పారిపోయినట్లు కథనాలు వెలువడుతున్నాయి. కాగా, షైన్ దసరా మూవీలో విలన్ గా నటించి మంచి గుర్తింపు తెచ్చుకున్నారు. ఆ తర్వాత దేవర మూవీతోపాటు తెలుగు పలు సినిమాలల్లో నటిస్తూ బిజీ అయ్యాడు.