హీరో శర్వానంద్ ప్రస్తుతం మూడు సినిమాలతో ఫుల్ బిజీగా ఉన్నారు. ఈ కథానాయకుడు నటించిన ‘ఒకే ఒక జీవితం’ విడుదలకు సిద్ధమవుతుండగా, ‘మహాసముద్రం’ సినిమా పోస్ట్ ప్రొడక్షన్ వర్క్ శరవేగంగా జరుగుతున్నాయి. దీంతో తన పూర్తి ఫోకస్‌ను లేటెస్ట్ మూవీ ‘ఆడవాళ్ళు మీకు జోహార్లు’ సినిమాపై పెట్టారు శర్వానంద్. రష్మిక మందన్న ఈ చిత్రంలో హీరోయిన్‌గా నటిస్తున్నారు. శర్వానంద్, రష్మిక మందన్న జంటగా నటిస్తున్న తొలి చిత్రం ఇదే. టాలెంటెడ్ డైరెక్టర్ కిశోర్ తిరుమల ‘ఆడవాళ్ళు మీకు జోహార్లు’ చిత్రానికి దర్శకత్వం వహిస్తున్నారు.
శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. ఫ్యామిలీ ఎంటర్‌టైనర్‌గా తెరకెక్కుతోన్న ఈ సినిమా చిత్రీకరణ మంగళవారం నుండి మొదలైంది. ఈ సందర్భంగా విడుదల చేసిన పోస్టర్‌లో శర్వానంద్, రష్మిక మందన్నతో పాటు సినిమాటోగ్రాఫర్ సుజిత్ సారంగ్‌ను చూడవచ్చు. ప్రస్తుతం శర్వానంద్, రష్మికలపై కొన్ని కీలక సన్నివేశాలను చిత్రీకరిస్తున్నాడు దర్శకుడు కిషోర్ తిరుమల. ఈ సినిమాలో శర్వానంద్, రష్మిక మందన్న క్యారెక్టర్లు ఆసక్తికరంగా ఉండనున్నాయి.
The most refreshing combo of @ImSharwanand & @iamRashmika's #AadavaalluMeekuJohaarlu Shoot begins 🎬
More exciting updates soon @DirKishoreOffl @sujithsarang @SLVCinemasOffl pic.twitter.com/5XGvDoFstx
— BA Raju's Team (@baraju_SuperHit) July 20, 2021
‘Adavallu Meeku Joharlu’ movie shoot begins