తిరుపతి: ఇండియన్ సిటీ గ్యాస్ డిస్ట్రిబ్యూషన్ (CGD) పరిశ్రమలో ప్రముఖ కంపెనీల్లో ఒకటైన AG&P ప్రథమ్, తిరుపతి జిల్లాలో తన మొదటి కంపెనీ యాజమాన్యంలోని కంపెనీ నిర్వహించే (COCO) CNG స్టేషన్‌ను ప్రారంభించినట్లు ప్రకటించింది. కొత్త స్టేషన్ మేనకూరు ఇండస్ట్రియల్ ఏరియాలో, నాయుడుపేట-వెంకటగిరిని కలుపుతూ SH397 లో ఉంది.
ఈ సందర్భంగా, AG&P ప్రథమ్ రీజనల్ హెడ్ చిరాగ్ కె భన్వాడియా మాట్లాడుతూ, “మొదటి కోకో స్టేషన్ ప్రారంభం మా అభివృద్ధి అధ్యాయంలో ఒక ముఖ్యమైన మైలురాయిని సూచిస్తుంది. రాష్ట్ర ప్రభుత్వం. స్థానిక అధికారుల నుండి నిరంతర మద్దతుకు, ఆంధ్రప్రదేశ్‌లో CNG నెట్వర్క్ ను బలోపేతం చేయడంలో, స్వచ్ఛమైన ఇంధన వనరుల కోసం వారి నిరంతర అన్వేషణకు మా కృతజ్ఞతలు. కొత్త స్టేషన్ పారిశ్రామిక ప్రాంతంలో పరిశుభ్రమైన వాతావరణాన్ని ప్రోత్సహిస్తూ వాహన కాలుష్యాన్ని గణనీయంగా తగ్గిస్తుంది.
మేనకూరు, అత్తివరంలోని అన్ని సిబ్బంది బస్సులు, రవాణా వాహనాలకు COCO స్టేషన్ క్లీనర్ ఇంధన ప్రత్యామ్నాయాన్ని అందిస్తుంది. అదనంగా, స్టేషన్‌లో DRS (డిస్ట్రిక్ట్ రెగ్యులేటింగ్ స్కిడ్), DCU (డి కంప్రెషన్ యూనిట్) సౌకర్యాలు ఉన్నాయి, ఇవి పరిశ్రమలకు గ్రీన్ ఇంధనం PNG ని సరఫరా చేయడానికి ఉపయోగించబడతాయి. AG&P ప్రథమ్ ఇప్పటికే మేనకూరు మరియు అత్తివరం ఇండస్ట్రియల్ పార్కులలో సహజ వాయువు పంపిణీ పైప్‌లైన్ నెట్‌వర్క్‌ను నిర్మించింది.
తిరుపతిలో వచ్చే ఏడాది 30 వేల కనెక్షన్లను నమోదు చేయాలని AG&P లక్ష్యంగా పెట్టుకుంది. ఈ రోజు వరకు, AG&P ప్రథమ్ జిల్లాలో 08 CNG స్టేషన్‌లను ప్రారంభించింది. డిసెంబర్ 2023 నాటికి ఆంధ్రప్రదేశ్‌లో 70 ప్లస్ CNG స్టేషన్‌లను ప్రారంభించాలని లక్ష్యంగా పెట్టుకుంది. AG&P ప్రథమ్ ఇంటి PNG కనెక్షన్లను ప్రారంభించింది. తిరుపతిలో మొత్తం 12 వేలకు పైగా రిజిస్ట్రేషన్‌లను పొందింది.