న్యూఢిల్లీ: స్టాక్ మార్కెట్ లో పేరుమోసిన మదుపరుడు రాకేశ్ ఝున్‌జున్‌వాలాకు చెందిన ‘ఆకాశ ఎయిర్’ తన మొదటి వాణిజ్య విమానాన్ని ఆగస్టు 7న ముంబై-అహ్మదాబాద్ మార్గంలో బోయింగ్ 737 మ్యాక్స్ విమానం ద్వారా నడుపనుంది.
ఆగస్ట్ 7 నుంచి ముంబై-అహ్మదాబాద్ రూట్‌లో వారానికోసారి నడిచే 28 విమానాలతోపాటు, ఆగస్టు 13 నుంచి బెంగళూరు-కొచ్చి రూట్‌లో 28 విమానాల టిక్కెట్ల విక్రయాన్ని ప్రారంభించినట్లు ఆకాశ ఎయిర్ శుక్రవారం విడుదల చేసిన ఓ ప్రకటనలో తెలిపింది. రెండు బోయింగ్ 737 మ్యాక్స్ విమానాల్లో విమాన కార్యకలాపాలు నిర్వహించనున్నట్లు ఎయిర్‌లైన్ క్యారియర్ తెలిపింది. “మేము సరికొత్త బోయింగ్ 737 మ్యాక్స్ ఎయిర్‌క్రాఫ్ట్‌తో ముంబై – అహ్మదాబాద్‌ల మధ్య విమానాల రాకపోకలను ప్రారంభించాము” అని ఆకాశ్ ఎయిర్ సహ వ్యవస్థాపకుడు, చీఫ్ కమర్షియల్ ఆఫీసర్ ప్రవీణ్ అయ్యర్ తెలిపారు.
Be the first to fly Akasa Air.
Book on https://t.co/T1AycoDR3T or download our app on Play Store, now! pic.twitter.com/DhtHfX7yGw— Akasa Air (@AkasaAir) July 22, 2022