- Advertisement -
ఇంగ్లండ్ కౌంటీ క్రికెట్‌లో చెత్త రికార్డు
లండన్: ఇంగ్లండ్ కౌంటీ క్రికెట్‌లో ఓ అత్యంత చెత్త రికార్డు నమోదైంది. హంటింగ్ డాన్‌షైర్ కౌంటీ లీగ్‌లో భాగంగా ఫాల్కన్ జట్టుతో జరిగిన ఓ వన్డే మ్యాచ్‌లో బక్డెన్ క్రికెట్ క్లబ్ రెండంటే రెండు పరుగులకే ఆలౌటైంది. బక్డెన్ జట్టులో ఒక్క బ్యాట్స్‌మెన్ కూడా పరుగుల ఖాతా తెరవక పోవడం మరో రికార్డు. వచ్చిన రెండు పరుగులు కూడా ఎక్స్‌ట్రాల రూపంలో వచ్చినవే కావడం గమనార్హం. జట్టులోని పది మంది బ్యాట్స్‌మెన్ ఒక్క పరుగు కూడా చేయకుండానే పెవిలియన్ చేరారు. ఫాల్కన్ జట్టుకు చెందిన అమన్‌దీప్ సింగ్ ఆరు, హైదర్ అలీ రెండు వికెట్లు తీసి ప్రత్యర్థి జట్టును రెండు పరుగులకే కుప్పకూల్చారు. ప్రస్తుతం ఈ మ్యాచ్ స్కోరు బోర్డు సోషల్ మీడియాలో వైరల్‌గా మారింది.
- Advertisement -