పవన్ కల్యాణ్, రానా దగ్గుబాటి కలసి నటిస్తున్న మల్టీస్టారర్ మూవీ ‘భీమ్లా నాయక్’. ఇందులో పవన్ భార్యగా నిత్యా మీనన్.. రానా సరసన సంయుక్త మీనన్ నటిస్తున్నారు. ఇది మలయాళ బ్లాక్‌బస్టర్ ‘అయ్యప్పనుమ్ కొశీయుమ్’ చిత్రానికి తెలుగు రీమేక్. తెలుగు నేటివిటీకి పవన్ ఇమేజ్ కు తగ్గట్టుగా మార్పులు చేర్పులు చేసి త్రివిక్రమ్ శ్రీనివాస్ ఈ స్క్రిప్ట్ రెడీ చేశారు. సాగర్ కె. చంద్ర ఈ చిత్రానికి దర్శకత్వం వహిస్తున్నారు.‘భీమ్లా నాయక్’ చిత్రాన్ని 2022 సంక్రాంతి కానుకగా జనవరి 12న విడుదల చేయనున్నట్లు మేకర్స్ ఇప్పటికే ప్రకటించారు. ఇక ఈ సినిమాలోని సెకండ్ సింగిల్ ‘అంత ఇష్టం’ సాంగ్ లిరికల్ వీడియోని దసరా కానుకగా అక్టోబర్ 15న విడుదల చేస్తున్నట్లు మేకర్స్ వెల్లడించారు. ఈ సందర్భంగా విడుదల చేసిన పవన్ కళ్యాణ్, – నిత్యా మీనన్‌కు సంబంధించిన పోస్టర్ ఆకట్టుకుంటోంది.
https://youtu.be/id4471S_zOc