ఏదో ఏదో కలవరం..

విజయ్ చరణ్ దాట్ల, సిమ్రాన్ గుప్తా, అనన్య నాగళ్ల హీరో హీరోయిన్లుగా రూపొందుతోన్న చిత్రం ‘అన్వేషి’. అరుణ శ్రీ ఎంటర్‌టైన్‌మెంట్స్ బ్యానర్‌పై వి.జె.ఖన్నా దర్శకత్వంలో టి.గణపతి రెడ్డి ఈ చిత్రాన్ని నిర్మిస్తున్నారు. ఈ సినిమా నుంచి ‘ఏదో ఏదో కలవరం’ అనే పాటను భీమ్స్ సిసిరోలియో చేతుల మీదుగా రిలిజ్ చేశారు. చైతన్ భరద్వాజ్ సంగీతం అందిస్తో న్న సినిమాలోని ఈ పాటను చైతన్య వర్మ రాశారు. అనురాగ్ కులకర్ణి, దీప్తి ప్రశాంతి పాటను మధురంగా ఆలపించారు. ఈ సందర్భంగా హైదరాబాద్‌లో ఏర్పాటైన పాత్రికేయుల సమావేశంలో మ్యూజిక్ డైరెక్టర్ భీమ్స్ సిసిరోలియో మాట్లాడుతూ “చైతన్ భరద్వాజ్ నాకెంతో ఇష్టమైన మ్యూజిక్ డైరెక్టర్. అనురాగ్ కులకర్ణి వంటి సింగర్ ఉండటం మన ఇండస్ట్రీకి అదృ ష్టం.ఈ సాంగ్‌లో మంచి సాహిత్యం ఉంది”అని చెప్పారు. దర్శకుడు వి.జె.ఖన్నా మాట్లాడుతూ “ఈ సినిమాలో హీరోహీరోయిన్లు విజయ్ చరణ్, సిమ్రాన్ గుప్తాలు చక్కగా నటించారు. అనన్య నాగళ్ల ఈ సినిమాలో కీలక పాత్రలో నటించారు. ఆమె చుట్టూనే కథ తిరుగుతుంటుంది. ఫారెస్ట్ బ్యాక్‌డ్రాప్‌లో నడించే సినిమా ఇది”అని అన్నారు. ఈ కార్యక్రమంలో మ్యూజిక్ డైరెక్టర్ చైతన్ భరద్వాజ్, హీరో విజయ్ చరణ్ దాట్ల, టి.గణపతి రెడ్డి తదితరులు పాల్గొన్నారు.