ప్రతిష్టాత్మకంగా రూపొందించిన తెలంగాణ జాగృతి!
ఏఆర్ రెహ్మాన్, గౌతమ్‌మీనన్‌ల కలయికతో ప్రత్యేక సాంగ్
మనతెలంగాణ /హైదరాబాద్: ఈ సారి అత్యంత ప్రతిష్టాత్మకంగా తెలంగాణ జాగృతి బతుకమ్మ పాటను రూపొందిస్తున్నారు. ఈ పాటకు సంగీతం చేకూర్చింది ఆస్కార్ అవార్డు విజేత ఏఆర్ రహ్మాన్, దర్శకత్వం వహించింది ప్రముఖ దర్శకుడు గౌతమ్ మీనన్ అని తెలుస్తోంది. ఈ నేపథ్యంలో దేశ వ్యాప్తంగా బతుకమ్మ పండుగ పాట మరోసారి హాట్ టాపిక్ అవ్వనుందని జాగృతి సభ్యులు పేర్కొంటున్నారు. దీంతో పాటు బతుకమ్మ పాట వీడియోను కూడా అద్భుతంగా రూపొందించినట్టుగా తెలిసింది. ఇద్దరు దిగ్గజాలు కలిసి ఈ బతుకమ్మ పాటను రూపొందించడంతో దేశ వ్యాప్తంగా ఈ పాట ట్రెండ్ అయ్యే అవకాశం ఉందని విశ్లేషకులు అంచనా వేస్తున్నారు. భారత దేశ దిగ్గజాలు ఇద్దరు కలిసి మన బతుకమ్మ పాటను రూపొందించడం తెలంగాణ ప్రజలు గర్వించే అంశంగా చెప్పవచ్చు.
AR Rahman composed Bathukamma Song