‘ఫలక్‌నుమా దాస్’ నుంచి ‘పాగల్’ వరకు వైవిధ్యమైన చిత్రాలతో మెప్పిస్తున్న యంగ్ హీరో విశ్వక్ సేన్ కథానాయకుడిగా నటించిన తాజా చిత్రం ‘అశోకవనంలో అర్జున కళ్యాణం’. ప్రముఖ నిర్మాత బి.వి.ఎస్.ఎన్.ప్రసాద్ సమర్పణలో ఎస్‌వీసీసీ డిజిటల్ బ్యానర్‌పై బాపినీడు, సుధీర్ ఈదర ఈ చిత్రాన్ని నిర్మించారు. ఈ సినిమాను ఏప్రిల్ 22న విడుదల చేస్తున్నట్లు మేకర్స్ ప్రకటించారు. “ఈ సినిమాలో విశ్వక్ సేన్ పాత్ర యూత్‌కి బాగా కనెక్ట్ అవుతుంది. అతను ఇప్పటి వరకు చేసిన సినిమాల కంటే భిన్నమైన పాత్రలో కనిపించబోతున్నారు. ఈ చిత్రంలో విశ్వక్ సేన్… అల్లం అర్జున్ కుమార్ పాత్రను పోషిస్తోన్న సంగతి తెలిసిందే. ఇప్పటికే విడుదలైన టీజర్‌తో పాటు పాటలకు మంచి స్పందన వచ్చింది. సినిమా అన్ని వర్గాల ప్రేక్షకులు మెచ్చేలా హిలేరియస్‌గా ఉంటుంది” అని మేకర్స్ తెలిపారు. ఈ ఫ్యామిలీ ఎంటర్‌టైనింగ్ చిత్రానికి హిట్ మూవీ ‘రాజావారు రాణిగారు’ డైరెక్టర్ రవికిరణ్ కోలా కథ, మాటలు, స్క్రీన్ ప్లే అందించడం విశేషం. దర్శకుడు విద్యా సాగర్ చింతా ఈ చిత్రాన్ని తెర్కెక్కించారు. జై క్రిష్ ఈ సినిమాకు సంగీతం సమకూర్చారు.
Ashoka Vanamlo Arjuna Kalyanam to release on April 22