ప్రపంచంలోని అత్యంత లేదా పూర్తి పేదలో సగానికి పైగా (సుమారు 25 కోట్లు) భారత దేశంలోనే నివాసం ఉంటున్నారు. భారత దేశంలో కార్పొరేట్ పన్ను రేట్లు, అత్యధిక అసమానతలను కలిగి ఉన్న దేశాలలో ఒకటి. కార్పొరేట్ పన్ను రేట్లు ప్రపంచంలోనే అత్యల్పంగా ఉండగా, వస్తువుల సేవల పన్ను (జిఎస్‌టి) వంటి నయా ఉదారవాద, కార్పొరేట్ అనుకూల పన్నుల విధానం ద్వారా మొత్తం పన్నుల వ్యవస్థను కార్పొరేట్లకు అనుకూలంగా మార్చింది. ఆశ్రిత పక్షపాత పెట్టుబడిదారులను అంబానీ, అదానీలకు అనేక పన్ను మినహాయింపులు ఇస్తూ, లక్షలాది కోట్ల రూపాయలు అప్పులు రద్దు చేస్తూ, వారిని ఉద్దరిస్తూ, పన్నుల భారం మొత్తం దేశం నిజమైన వనరులైన సామాన్య ప్రజల మీద రుద్దబడింది.
అయోధ్యలో రామమందిరాన్ని ప్రధాని మోడీ 2024 జనవరి 22న ప్రారంభించబోతున్నారు. భారత పార్లమెంటరీ ప్రజాస్వామ్యంలో ఇది పూర్తిగా రాజ్యాంగ వ్యతిరేకమైనది. భారత రాజ్యాంగ ప్రధాన సూత్రాలలో ఒకటి లౌకికతత్వం. లౌకికవాదాన్ని సమర్థించే భారత రాజ్యాంగం ప్రకారం, రాజ్యం, మతం వేరుగా ఉండాలి. మత కార్యకలాపాలలో ప్రభుత్వ ప్రమేయం ఉండకూడదు. ప్రభుత్వాధినేతలు ఎవరూ కూడా మతాన్ని, మత విశ్వాసాలను ప్రోత్సహించకూడదు. మతం, మత విశ్వాసాలు వాటికి సంబంధించిన అభ్యాసాలు పౌరుల వ్యక్తిగత వ్యవహారాలుగా పరిగణించబడతాయి. ఈ విధంగా 1976 నాటి 42వ రాజ్యాంగ సవరణ ప్రకారం భారత దేశం రాజ్యం లేక ప్రభుత్వం మతాతీత, ఏ మతాన్ని సమర్ధించని లౌకిక దేశం. భారత ప్రభుత్వానికి లేదా రాజ్యానికి ఏ మతం రాజ్య అధికార మతం కాదు.
అన్ని మతాలను అంగీకరిస్తుంది, ఏ ఒక్క మతానికి ప్రత్యేకంగా అనుకూలంగా ఉండదు. అదే విధంగా 1994లో ఎస్‌ఆర్ బొమ్మై కేసులో భారత దేశ అత్యున్నత న్యాయస్థానం ఏం తెలియజేసిందంటే భారత దేశం రిపబ్లిక్‌గా ఏర్పడినప్పటి నుండి భారత దేశం లౌకిక దేశమని పేర్కొన్నది. అదే విధంగా ప్రవేశికలో చెప్పినట్లు రాజ్యాంగ మౌలిక స్వభావమైన ‘సార్వభౌమ, గణతంత్ర, ప్రజాతంత్ర, సామ్యవాద, లౌకిక’ భావాన్ని మార్చే హక్కు భారత పార్లమెంటుకు లేదు. భారత రాజ్యాంగ మౌలిక స్వభావం మార్చాలంటే మరో రాజ్యాంగ సభ నిర్మాణం జరగాల్సిన అవసరం ఉన్నది. అయితే బిజెపి పాలనలో ప్రధాన మంత్రి నరేంద్ర మోడీ నేతృత్వంలోని భారత ప్రభుత్వ సంస్థలన్నీ రామ మందిర నిర్మాణం, ప్రతిష్ఠాపనలో ప్రత్యక్షంగా పాలు పంచుకుంటున్నాయి. మెజారిటీ మతతత్వ హిందూ రాజ్యస్థాపన అంతిమ లక్ష్యం కలిగిన రాష్ట్రీయ స్వయం సేవక సంఘ్ (ఆర్‌ఎస్‌ఎస్) రాజకీయ సాధనం భారతీయ జనతా పార్టీ. భారతీయ జనతా పార్టీ అధికారంలోకి వచ్చిన నాటి నుండి భారత రాజ్యాంగంలోని లౌకిక లక్షణాన్ని నిర్వీర్యం చేస్తోన్నది.
దేవాలయాలపై ప్రభుత్వ నియంత్రణను గతంలో తీవ్రంగా వ్యతిరేకించిన రాష్ట్రీయ స్వయం సేవక సంఘ్ (ఆర్‌ఎస్‌ఎస్)కి ఇప్పుడు రామమందిర వ్యవహారంలో రాజ్యాధికారంపై ఎలాంటి అభ్యంతరం లేదని, మోడీ ప్రభుత్వం హిందూ మతంతో గుర్తింపు పొందిందని వెల్లడించింది. భారత దేశ ఇంకా అధికారిక కోణంలో హిందూ రాజ్యం కానప్పటికీ దాని పాలన వ్యవహారాలన్నింటిలో హిందూత్వ ప్రతిపాదకులు సావర్కర్, గోల్వాల్కర్ ప్రతిపాదించిన విధంగా మోడీ ప్రభుత్వం హిందూ దేశంగా వ్యవహరిస్తోన్నది. దాదాపు ఒక శతాబ్దం క్రితం ఏర్పడిన ఆర్‌ఎస్‌ఎస్ 2024 విజయ దశమి 100 సంవత్సరాలు పూర్తి అవుతున్న సందర్భంగా హిందూ మత రాజ్యం ఏర్పాటు చేయాలని దృఢసంకల్పంలో ఆర్‌ఎస్‌ఎస్ ఉన్నది. అందు కోసం రాజకీయ ప్రక్రియ వేగవంతం చేస్తున్నది. 1949 నవంబర్ 26న భారత రాజ్యాంగ సభ భారత రాజ్యాంగాన్ని ఆమోదించినప్పుడు ఆర్‌ఎస్‌ఎస్, హిందూ మహాసభ అధినేత భారత రాజ్యాంగాన్ని తిరస్కరించుతున్నామని మూడు రంగుల జెండాను అంగీకరించేది లేదని ప్రకటించారు. మనస్మృతి రాజ్యాంగంగా ఉండాలని వారు అన్నారు. భారతీయ జనతాపార్టీలో మితవాదిగా ముద్రపడిన వాజ్ పేయ్ ప్రధాన మంత్రి కాలంలోనే సావర్కర్ చిత్రాన్ని పార్లమెంటు సెంట్రల్ హాల్‌లో పెట్టడం జరిగింది. సావర్కర్ బ్రిటిష్ వారికి విధేయులుగా ఉంటామని అనేక లొంగుబాటు ఉత్తరాలు రాశాడు.
శాంతి, సామరస్యం, మానవుల మధ్య విచక్షణను జీవితాంతం వ్యతిరేకించిన, హిందూ ముస్లిం ఐక్యతను కోరుకున్న నిజమైనటువంటి హిందువైన మహాత్మా గాంధీని హత్య చేసిన వారు హిందూ మహాసభ సభ్యులు. మహాత్మా గాంధీ హత్యకు కుట్ర చేసిన హిందూ మహాసభ ముద్దాయిలలో సావర్కర్ ఒకడుగా ఆరోపణలు ఎదుర్కొన్నాడు.ప్రత్యక్ష సాక్ష్యం లేదని కోర్టు ఆయన్ని ముద్దాయిగా తొలగించింది. దీనిపై జస్టిస్ కపూర్ కమిషన్ కూడా అనేక వివరణలు ఇచ్చింది. కానీ కపూర్ కమిషన్ వచ్చేనాటికి సావర్కర్ చనిపోయాడు. 1980ల నుంచి రామజన్మభూమి ఉద్యమం, 1989 నవంబర్ 9న వివాదాస్పద స్థలంలో శిలాన్యాలు నిర్వహించడం, 1992 లో బాబ్రీ మసీదు కూల్చివేత వంటి ముఖ్య ఘటనలతో దాదాపు నాలుగు దశాబ్దాలకు పైగా స్థిరమైన కాషాయ దాడి ఒక క్రమ పద్ధతిలో సాగుతూ వస్తున్నది.
రంజన్ గొగోయ్ నేతృత్వంలోని న్యాయస్థానం 9 నవంబర్ 2019 న బాబ్రీ మసీదు స్థలాన్ని రామ మందిర ట్రస్టుకు కేటాయిస్తూ తీర్పును ప్రకటించింది. 2020 ఫిబ్రవరి 5న పార్లమెంటులో రామమందిర నిర్మాణ ప్రణాళికను మోడీ ప్రకటించడంతో పాటు స్వయంగా భూమి పూజ చేసి శంకుస్థాపన చేశారు. జమ్మూకశ్మీర్ ప్రత్యేక హోదాను రద్దు చేస్తూ ఆర్టికల్ 370 రద్దు చేసిన సరిగ్గా ఒక సంవత్సరం తర్వాత 5 ఆగస్టు 2020న రామ మందిరానికి శంకుస్థాపన రాయి వేశారు. ఇప్పుడు భారత ప్రధానిగా మోడీ జనవరి 22న మళ్లీ అయోధ్యలో రామ మందిరాన్ని ప్రారంభించడంతో భారత ప్రభుత్వం లేదా రాజ్యం, హిందూ మతం మధ్య విలీన ప్రక్రియ సెక్యులరిజంపై ఎన్నడూ లేనంత పెద్ద దాడి. భారత రాజ్యాంగ లౌకిక స్వభావాన్ని, నిబంధనను తప్పుడు పద్ధతిలో మారుస్తున్నది. ఈ సందర్భంగా గతంలో ప్రధాన మంత్రి పళ్లేల మీద చప్పట్లు చేయడం ద్వారా కోవిడ్‌తో పోరాడాలని ఆయన చేసిన విజ్ఞప్తిని గుర్తు చేస్తుంది.
5 ఏప్రిల్ 2020న ‘కొవ్వొత్తులు వెలిగించడం’ ద్వారా మహమ్మారిని తరిమి కొట్టొచ్చు అన్నారు. జనవరి 22న రామ జన్మభూమి ఆలయ సంప్రోక్షణను పురస్కరించుకుని ప్రతి భారతీయుడు తమ ఇళ్లలో ‘దియా’ (రామజ్యోతి) వెలిగించాలని మోడీ విజ్ఞప్తి చేశారు. ఆలయ ఆధారితంగా నిషేధించబడని బిజెపి ఇప్పటికే ప్రకటించింది. జనవరి 14 నుంచి సార్వత్రిక ఎన్నికల ప్రచారం అమలులోకి వస్తుందనీ, జనవరి 22న జరిగే ఆలయ ప్రతిష్ఠాపన కోసం ప్రపంచం ఎదురు చూస్తోందని పేర్కొంటూ ‘పవిత్ర ప్రదేశాన్ని అభివృద్ధి చేసేందుకు ఎలాంటి అవకాశాన్ని కూడా వదలబోమని పేర్కొంటూ మోడీ 46 ప్రాజెక్టులను ప్రారంభించారు. వాల్మీకి అంతర్జాతీయ విమానాశ్రయం ప్రారంభోత్సవం, అయోధ్య ధామ్ జంక్షన్ రైల్వేస్టేషన్‌ను పునరుద్ధరించడంతో పాటు ఆలయం చుట్టూ అయోధ్యను అభివృద్ధి చేయడానికి రూ. 15,700 కోట్లు (రూ.18000 కోట్లతో నిర్మించబడింది) కేటాయించారు. వందే భారత్ రైళ్ల శ్రేణి, అనేక రైలు మార్గాల డబ్లింగ్, విద్యుదీకరణ, హై-వే నిర్మాణంతో సహా అన్నింటినీ పూర్తి చేయడానికి అయోధ్యను వారి గమ్యస్థానంగా ఉంచడం కూడా పూర్తి స్వింగ్‌లో ఉంది. వాస్తవానికి సంఘ్‌పరివార్ నాయకులతో పాటు బాలీవుడ్, టాలీవుడ్, కోలీవుడ్, గోడీ మీడియా నుండి చాలా మంది ప్రముఖ సంఘీ ప్రముఖులు, సాధువులు, సన్యాసులు, మహంతులు కూడా జనవరి 22 న అయోధ్యకు తరలి వస్తున్నారు.
ఇప్పటికే హిందుత్వ వైపు మొగ్గు చూపుతున్న న్యాయ వ్యవస్థతో సహా మొత్తం కేంద్ర ప్రభుత్వ యంత్రాంగం, మొత్తం కార్పొరేట్- కాషాయ మీడియాతో కలిసి రామ మందిరం చుట్టూ కేంద్రీకృతమై ఉన్నందున, ఇప్పుడు ఈ వాతావరణం దేశంలోని ఆశ్రిత పక్షపాత కార్పొరేట్ కాషాయ దోపిడీ అనేది అసలైన వాస్తవం. ఈ వాస్తవాన్ని మభ్యపెట్టడానికి సమర్థవంతంగా గోడిమీడియా ప్రచారాన్ని బిజెపి, ఆర్‌ఎస్‌ఎస్‌చే ఉపయోగించబడుతున్నది. భారత దేశంలో ఉత్పత్తి చేయబడిన అదనపు సంపదలో మూడొంతుల కంటే ఎక్కువ అదానీ, -అంబానీ నేతృత్వంలోని అతిసంపన్నులు, కార్పొరేట్ పెట్టుబడిదారులు, బిలియనీర్లు దోచుకొంటుండగా భారత దేశం ‘ప్రపంచ పేదరికపు కోట’ గా మారింది. ప్రపంచంలోని అత్యంత లేదా పూర్తి పేదలో సగానికి పైగా (సుమారు 25 కోట్లు) భారత దేశంలోనే నివాసం ఉంటున్నారు.
భారత దేశంలో కార్పొరేట్ పన్ను రేట్లు, అత్యధిక అసమానతలను కలిగి ఉన్న దేశాలలో ఒకటి. కార్పొరేట్ పన్ను రేట్లు ప్రపంచంలోనే అత్యల్పంగా ఉండగా, వస్తువుల సేవల పన్ను (జిఎస్‌టి) వంటి నయా ఉదారవాద, కార్పొరేట్ అనుకూల పన్నుల విధానం ద్వారా మొత్తం పన్నుల వ్యవస్థను కార్పొరేట్లకు అనుకూలంగా మార్చింది. ఆశ్రిత పక్షపాత పెట్టుబడిదారులను అంబానీ, అదానీలకు అనేక పన్ను మినహాయింపులు ఇస్తూ, లక్షలాది కోట్ల రూపాయలు అప్పులు రద్దు చేస్తూ, వారిని ఉద్దరిస్తూ, పన్నుల భారం మొత్తం దేశం నిజమైన వనరులైన సామాన్య ప్రజల మీద రుద్దబడింది. భూమి, సహజ వనరులతో సహా వ్యవసాయం, పరిశ్రమలు, సేవా రంగాలు అత్యంత అవినీతి కార్పొరేట్ దిగ్గజాలకు అప్పగించబడ్డాయి. ఆర్థిక వ్యవస్థలోని ఉద్యోగ- ఆధారిత ఉత్పాదక రంగాలు కుప్పకూలుతున్నప్పటికీ ఊహాజనిత, డబ్బు- స్పిన్నింగ్ గోళాలు గొప్ప- ధనవంతుల ఖజానాకు జోడిస్తున్నాయి.
నిరుద్యోగం, జీవనోపాధికి సంబంధించిన అత్యంత అవసరమైన వస్తువుల ధరల పెరుగుదల, ఆకలి, పేదరికం, శిశుమరణాలు, అనారోగ్యం, భూమిలేనితనం, గృహాల కొరత, అన్నింటి కంటే పర్యావరణ సమస్యలు విస్తృతంగా ఉన్నాయి. ప్రత్యక్షంగా దారిద్య్రరేఖకు ఎగువన ఉన్నవారు కూడా ‘బహుళ డైమెన్షనల్ పేదరిక సూచిక’ ప్రకారం పేదలుగా రూపాంతరం చెందుతున్నారు. ఇప్పుడు సార్వత్రిక ఎన్నికలు సమీపిస్తున్నందున రాష్ట్రీయ స్వయం సేవక సంఘ్,- భారతీయ జనతా పార్టీ ఎల్లలులేని ప్రచారం ద్వారా రామమందిరాన్ని ప్రస్తుత భారత రాజకీయాల నేపథ్యంలో ఈ దశకు తీసుకు రావడం ద్వారా దేశంలోని ఈ కీలకమైన సమస్యలను ఒక్కసారిగా పక్కదారి పట్టి స్తున్నారు. రామ మందిరాన్ని ప్రధాన నినాదంగా మార్చి హిందూ రాజ్యాన్ని లేదా దేశాన్ని స్థాపించాలనే రాష్ట్రీయ స్వయం సేవక సంఘ్ దీర్ఘకాలిక, వ్యూహాత్మక కార్యక్రమం ఇందులో ముఖ్యమైనది.
1992లో బాబ్రీ మసీదు కూల్చివేత నాటి నుండి ‘భారత మాతకు నివాళి’ గా ‘అయోధ్యలోని రామ జన్మభూమిలో అద్భుతమైన శ్రీరామ మందిర నిర్మాణం’ అనేది ఆర్‌ఎస్‌ఎస్, -బిజెపి ఎజెండాలో ఎల్లప్పుడూ ఉంది. అది వరుసగా ఎన్నికలలో ప్రచార ఆర్భాటాలలో ప్రధాన నినాదంగా పునరావృతమైంది. ఈ మొత్తం ప్రక్రియలో ఇస్లామో ఫోబిక్, ఇస్లాం వ్యతిరేక ధోరణిని మరింత పెంచడానికి ఉపయోగించుకున్నారు. అనేక నివేదికల ప్రకారం పౌరసత్వ సవరణ చట్టాన్ని (సిఎఎ) అమలు చేయడానికి ఇప్పటికే చర్యలు ప్రారంభించబడ్డాయి. ఇది దేశంలోని ముస్లింల పట్ల పక్షపాతంతో కూడుకొని ఉన్నది. మూడు పొరుగు దేశాల నుండి ఆరు ముస్లి మేతర వర్గాలకు పౌరసత్వాన్ని సులభతరం చేస్తుంది. రాబోయే సాధారణ ఎన్నికలలో ప్రత్యేకంగా ముస్లింలను లక్ష్యంగా చేసుకునే యూనిఫాం సివిల్ కోడ్ వంటి ఇతర ఎత్తుగడలు కూడా ఆచరణలోకి రాబోతున్నాయి. ఇటువంటి పరిస్థితుల్లో లౌకికవాదులైన భారత ప్రజానీకమంతా రాజ్యాంగ విలువల కోసం పోరాడాల్సిన కర్తవ్యం ఉన్నది.
మన్నవ హరిప్రసాద్
9346508846