నటసింహ నందమూరి బాలకృష్ణ, బ్లాక్‌బస్టర్ డైరెక్టర్ అనిల్ రావిపూడి, షైన్ స్క్రీన్స్ బ్యానర్ సక్సెస్‌ఫుల్ ప్రొడ్యూసర్స్ సాహు గారపాటి, హరీష్ పెద్ది క్రేజీ కాంబినేషన్‌లో రూపొందుతున్న చిత్రానికి ’భగవంత్ కేసరి’ అనే పవర్‌ఫుల్ టైటిల్ పెట్టారు. ఇది ఈ చిత్రంలో బాలకృష్ణ పాత్ర పేరు. యూనిక్ యాక్షన్ ఎంటర్‌టైనర్‌గా తెరకెక్కుతున్న ఈ చిత్రానికి ’ఐ డోంట్ కేర్’ క్యాప్షన్ బాలయ్య ఎదురులేని వైఖరిని సూచిస్తుంది. టైటిల్ లోగో భారతదేశ చిహ్నం (అశోక సింహ రాజధాని)తో అద్భుతంగా డిజైన్ చేశారు. బాలకృష్ణ సాల్ట్ అండ్ పెప్పర్ లుక్‌లో డిఫరెంట్ డ్రెస్సింగ్ స్టైల్ లో కనిపించారు.
బ్రౌన్ కలర్ కుర్తా, ఫార్మల్ ప్యాంటు ధరించారు. అతని చేతులకు ఒక బ్రాస్లెట్, ఒక వాచ్, మెడలో స్టోల్ ని గమనించవచ్చు. మోకాళ్లపై కూర్చున్న బాలకృష్ణ ఆవేశంతో ఒక ఆయుధాన్ని నేలపై కొట్టారు. బ్యాక్‌గ్రౌండ్, బాలకృష్ణ ఎక్స్‌ప్రెషన్ చూస్తే ఈ పిక్చర్ భారీ యాక్షన్ సీక్వెన్స్ లోదని అర్ధమవుతోంది. అనిల్ రావిపూడి ఈ సినిమాలో బాలకృష్ణను మునుపెన్నడూ చూడని గెటప్, క్యారెక్టర్ లో చూపిస్తున్నారు. ఇక టైటిల్ పోస్టర్‌ను ప్రత్యేకమైన పద్ధతిలో లాంచ్ చేశారు. టైటిల్ పోస్టర్లను 108 లొకేషన్లలో 108 హోర్డింగ్‌లను ఏర్పాటు చేశారు. అంతేకాదు బాలకృష్ణ పుట్టినరోజైన ఈనెల 10న ప్రేక్షకులు, అభిమానుల కోసం మరిన్ని సర్‌ప్రైజ్‌లు వున్నాయి. కాజల్ అగర్వాల్ కథానాయికగా నటిస్తున్న ఈ చిత్రంలో శ్రీలీల కీలక పాత్రలో కనిపించనుంది. బాలీవుడ్ నటుడు అర్జున్ రాంపాల్ ఈ సినిమాతో టాలీవుడ్‌లోకి ఎంట్రీ ఇస్తున్నాడు. ప్రస్తుతం ఈ సినిమా హైదరాబాద్‌లో షూటింగ్ జరుపుకుంటోంది. భగవంత్ కేసరి సినిమా విజయదశమికి థియేటర్లలో విడుదల కానుంది.