ఇంగ్లండ్‌తో పొట్టి సిరీస్‌కు ఎంపిక చేసిన సెలెక్టర్లు
తెలుగు కుర్రాళ్లు నితీశ్, తిలక్‌కు చోటు
స్టార్ బ్యాటర్ శివం ధూబెపై వేటు
ముంబై: ఇంగ్లాండ్‌తో జరిగే 5 మ్యాచ్‌ల టి20 సిరీస్‌కు భారత జట్టును ప్రకటించింది బిసిసిఐ. 2023 వన్డే ప్రపంచకప్ ఫైనల్ తర్వాత చీలమండ గాయంతో జట్టు దూరమైన సీనియర్ పేసర్ మహ్మద్ షమీని జట్టులోకి తీసుకున్నారు. జట్టులోకి పునరాగమనం చేయాలని చాలా కఠోర శిక్షణ తీసుకుంటున్నా షమీ శ్రమకు ఫలితం దక్కిందనే చెప్పొచ్చు. ఈ క్రమంలో దేశవాళీల్లోనూ తను ఆడాడు. రంజీ ట్రోఫీ, విజయ్ హజారే వన్డే ట్రోఫీ, సయ్యద్ ముస్తాక్ అలీ టోర్నీల్లో షమీ బౌలింగ్ చేసి ఫిట్‌నెస్ సాధించాడు. ఇటీవలే జరిగిన విజయ్ హజారే టోర్నీలో పూర్తి 10 ఓవర్ల కోటా బౌలింగ్‌ను పూర్తి చేశాడు. అతని గాయాలపై ఎస్‌సిఎలోనూ డాక్టర్ల టీమ్ గ్రీన్ సిగ్నల్ ఇవ్వడంతోనే తను జట్టులోకి వచ్చినట్లు సమాచారం. ఇదే జట్టులో ఇద్దరు తెలుగు ప్లేయర్లు తిలక్ వర్మ, నితీశ్ రెడ్డిలకు కూడా చోటు కల్పించారు సెలెక్టర్లు. ఇటీవల సౌతాఫ్రికాలో జరిగిన టి20ల సిరీస్‌లో తిలక్ భీకర ఫామ్‌తో రాణించిన సంగతి తెలిసిందే.
ఈ సిరీస్‌లో సెంచరీలూ బాదాడు. ఇక ఆసీస్ టూర్‌లో అదరగొట్టిన తెలుగు కుర్రాడు నితీశ్ కుమార్ రెడ్డి టి20 సిరీస్‌లో చోటు దక్కింది. బోర్డర్‌గవాస్కర్ ట్రోఫీలో భారత్ తరపున అత్యధిక పరుగులు చేసిన రెండో బ్యాటర్ నితీశ్ నిలిచాడు. బ్యాట్‌తో 298 పరుగులు చేసిన నితీశ్ బంతితో ఐదు వికెట్లు తీశాడు. దీంతో పొట్టి ఫార్మాట్లోకి తిరిగి ప్రవేశించాడు. ఇక రెండో వికెట్ కీపర్ ధ్రువ్ జురేల్‌ను ఎంపిక చేశారు. మెయిన్ వికెట్ కీపర్‌గా రిషభ్ పంత్ ఉండగా.. అతనికి రిజర్వ్‌గా సంజూ శాంసన్ ఆడనున్నాడు. మరోవైపు విధ్వంసక ఆల్ రౌండర్ శివం దూబేను జట్టు నుంచి తప్పించారు. ఇక అభిషేక్ శర్మకు కూడా వేటు తప్పలేదు. అతని స్థానంలో ఇన్ ఫామ్ బ్యాటర్ యశస్వి జైస్వాల్‌ను జట్టులోకి తీసుకున్నారు. గాయం కారణంగా రియాన్ పరాగ్ జట్టుకు జట్టుకు దూరమయ్యాడు.
22 నుంచి సిరీస్ షురూ..
ఈ నెల 22 నుంచి కోల్‌కతాలోని ఈడెన్ గార్డెన్‌లో జరిగే తొలి టి20తో ఈ సిరీస్ ప్రారంభమవుతంది. అనంరతం 25న చెన్నైలో రెండో టి20, 28న రాజకోట్‌లో మూడో టి20, 31న పుణెలో నాలుగో టి20, ఫిబ్రవరి 2న ముంబైలోని వాంఖ డే స్టేడియంలో చివరి ఐదో టి20తో ముగుస్తుంది. దీని తర్వాత ఫిబ్రవరి 6 నుంచి మూడు వన్డేల సిరీస్ ఇరు జట్ల మధ్య ప్రారంభమవుతుంది.
భారత టి20 జట్టు..
సూర్యకుమార్ యాదవ్ (కెప్టెన్), సంజూ శాంసన్, యశస్వి జైస్వాల్, తిలక్ వర్మ, నితీశ్ రెడ్డి, షమీ, అర్ష దీప్ సింగ్, హర్షిత్ రాణా, ధ్రువ్ జురెల్, రింకూ సింగ్, అక్షర్ పటేల్, హార్దిక్ పాండ్యా, రవి బిష్ణోయ్, వాషింగ్టన్ సుందర్, వరుణ్ చక్రవర్తి,