సీనియర్ స్టార్ నందమూరి బాలకృష్ణ, స్టార్ డైరెక్టర్ బోయపాటి కాంబినేషన్‌లో తెరకెక్కుతున్న హ్యాట్రిక్ మూవీ ‘అఖండ’ మీద భారీ స్థాయిలో క్రేజ్ నెలకొంది. ద్వారకా క్రియేషన్స్ బ్యానర్ మీద మిర్యాల రవీందర్ రెడ్డి ప్రతిష్టాత్మకంగా ఈ చిత్రాన్ని నిర్మిస్తున్నారు. ఇప్పటికే బాలకృష్ణను అఖండగా పరిచయం చేస్తూ విడుదల చేసిన టీజర్‌కు సోషల్ మీడియాలో అద్భుతమైన వచ్చింది. ఈ టీజర్‌లో బాలకృష్ణ నట విశ్వరూపానికి యూట్యూబ్‌లో రికార్డ్ స్థాయిలో వ్యూస్ వచ్చాయి. 50 మిలియన్ల వ్యూస్‌ను క్రాస్ చేసి ఈ టీజర్ ఇంకా సోషల్ మీడియాలో దూసుకెళ్తోంది. ఇక సోమవారం హైదరాబాద్‌లో ‘అఖండ’ చివరి షెడ్యూల్‌ను ప్రారంభించారు. ఈ షెడ్యూల్‌తో ఈ సినిమా షూటింగ్ పూర్తి కానుంది. ఈ సందర్భంగా షూటింగ్ స్పాట్ నుంచి అఖండ గెటప్‌లో ఉన్న బాలకృష్ణకు దర్శకుడు బోయపాటి శ్రీను సీన్ వివరిస్తున్న ఓ స్టిల్‌ను మేకర్స్ విడుదల చేశారు. ఈ స్టిల్‌కి మంచి స్పందన వస్తోంది. ఈ చిత్రంలో ప్రగ్యా జైస్వాల్ హీరోయిన్‌గా నటిస్తుండగా.. శ్రీకాంత్ ఓ ముఖ్య పాత్రను పోషిస్తున్నారు.