మన అర్యోగం మనం తీసుకునే ఆహారం మీద ఆధారపడి ఉంటుంది. ఆర్యోగంగా ఉండాలంటే తరచుగా పండ్లు, ఆకు కూరలు, కూరగాయలు తీసుకోవాలి. ఇవి ఆర్యోగానికి ఎంతో మేలు చేస్తాయి. ఈ క్రమంలో బ్లాక్ క్యారెట్ తీసుకోవడం వల్ల కూడా అనేక లాభాలు ఉన్నాయి. ఇది రుచికరంగా కూడా ఉంటుంది. ఆర్యోగానికి ఎంతో మంచిది కూడా. అయితే మార్కెట్లో దొరికే నార్మల్ క్యారెట్ గురుంచి అందరికి తెలుసు కానీ, బ్లాక్ క్యారెట్ గురుంచి ఎవరికి అంతగా తెలియదు. ఇప్పుడు బ్లాక్ క్యారెట్ తినడం వల్ల కలిగే ప్రయోజనాల గురించి తెలుసుకుందాం.
బ్లాక్ క్యారెట్ తినడం వల్ల కలిగే ప్రయోజనాలు..
బ్లాక్ క్యారెట్‌లో ఉండే ఆంథోసైనిన్స్, పొటాషియం గుండె జబ్బుల ప్రమాదాన్ని తగ్గించడంలో ఎంతో సహాయపడతాయి. అంతేకాకుండా.. ఇది రక్తపోటును నియంత్రిస్తుంది. రక్తం గడ్డకట్టడాన్ని కూడా నిరోధిస్తుంది. అలాగే, షుగర్ ఉన్నవారు దీని పుష్కలంగా తినొచ్చు. బ్లాక్ క్యారెట్‌లో ఫైబర్ ఉంటుంది. కావున ఇది రక్తంలో చక్కెరను నియంత్రించడంలో ఎంతో సహాయపడుతుంది. కాబట్టి దీన్ని తినడం వల్ల మధుమేహం రాకుండా ఉంటుంది.
ఇందులో యాంటీఆక్సిడెంట్లు ఉంటాయి. దీని తీసుకోవడం వల్ల క్యాన్సర్ కణాల పెరుగుదలను నిరోధించడంలో సహాయపడతాయి. బ్లాక్ క్యారెట్ లో అధిక మొత్తంలో విటమిన్ ఎ ఉంటుంది. దీని కారణంగా బ్లాక్ క్యారెట్ కంటి చూపును మెరుగుపరచడంలో పనిచేస్తుంది. కంటిశుక్లం వంటి సమస్యలను కూడా నివారిస్తుంది.
అంతేకాకుండా బ్లాక్ క్యారెట్‌లో ఉండే ఫైబర్ జీర్ణవ్యవస్థను ఆరోగ్యంగా ఉంచుతుంది. అంతేకాకుండా మలబద్ధకం, అపానవాయువు, ఆమ్లత్వం వంటి సమస్యల నుండి ఉపశమనాన్ని అందిస్తుంది. బ్లాక్ క్యారెట్‌లో ఉండే విటమిన్ సి, యాంటీఆక్సిడెంట్లు ఎక్కువగా ఉంటాయి. దీంతో ఇది రోగనిరోధక శక్తిని బలోపేతం చేస్తుంది. అంతేకాకుండా చలికాలంలో వచ్చే ఇన్ఫెక్షన్లతో పోరాడటానికి సహాయపడతాయి.
ఇకపోతే బ్లాక్ క్యారెట్‌లో కేలరీలు తక్కువగా ఉంటాయి. అంతేకాకుండా ఫైబర్ అధికంగా ఉంటుంది. దీంతో ఇది చాలా కాలం పాటు కడుపు నిండుగా ఉందనే భావన కలిగిస్తుంది. బ్లాక్ క్యారెట్‌లో ఉండే విటమిన్ ఎ, యాంటీఆక్సిడెంట్లు చర్మాన్ని ఆరోగ్యంగా, మెరిసేలా చేస్తాయి. అంతేకాకుండా జుట్టును బలోపేతం చేస్తాయి.