హైదరాబాద్ : రాష్ట్రంలో ఖమ్మం జిల్లా దవాఖానకు బ్రెస్ట్ ఫీడింగ్ ఫ్రెండ్లీ హాస్పిటల్ గుర్తింపు దక్కింది. ముర్రు పాలు అందించడం, ఆరు నెలల వరకు తల్లిపాలు మాత్రమే పట్టించేలా అవగాహన కల్పించే దవాఖానలకు బేబీ/బ్రెస్ట్ ఫీడింగ్ ఫ్రెండ్లీ హాస్పిటల్ ఇనిషియేటివ్ (బిఎఫ్‌హెచ్ ఐ)లో భాగంగా ఈ సర్టిఫికెట్ అందజేస్తా రు. ఖమ్మంతో కలిపి రాష్ట్రంలో ఆరు దవా ఖానలు బిఎఫ్‌హెచ్‌ఐ గుర్తింపు పొందాయి. ఈ ఏడాది ఫిబ్రవరిలో బాన్సువాడలోని ఎం సిహెచ్ మొదటి బిఎఫ్‌హెచ్‌ఐ సర్టిఫికెట్ సాధించింది. తర్వాత జనగాం ఎంసిహెచ్, గజ్వెల్ ఏరియా హస్పిటల్, సూర్యాపేట ఎంసిహెచ్, జహీరాబాద్ ఏరియా హాస్పిటల్ ఈ గుర్తింపు పొందాయి. తద్వారా దేశంలోనే అత్యధిక బిఎఫ్‌హెచ్‌ఐ అక్రిడేటెడ్ ప్రభుత్వ దవాఖానలున్న రాష్ట్రంగా తెలంగాణ రికార్డు సాధించింది. ముఖ్యమంత్రి కెసిఆర్ నేతృత్వంలో రాష్ట్రంలోని ప్రజలకు మెరుగైన,
నాణ్యమైన వైద్యసేవలు అందుతున్నాయనడానికి ఇది మరో నిదర్శనంగా నిలిచింది. బిడ్డ పుట్టిన అరగంటలోనే మ్రురుపాలు తాగించాలని, బిడ్డకు ఆరు నెలల వయసు వచ్చే వరకు తల్లిపాలు మ్రాతమే తాగించాలని అనేక అధ్యయనాలు స్పష్టం చేస్తున్నాయి. తద్వారా ఐదేండ్లలోపు పిల్లల మరణాలను 22 శాతం నివారించవచ్చని చెప్తున్నాయి. ఈ నేపథ్యంలో సిఎం కెసిఆర్ ఆదేశాల మేరకు ర్రాష్ట ప్రభుత్వం తల్లిపాల వినియోగం, శిశు మరణాల నివారణకు ప్రత్యేక కార్యాచరణ చేపట్టింది. ఓవైపు ఎంసిహెచ్‌లు, ఎన్‌ఐసియులు వంటి సదుపాయాలు కల్పించింది. మరోవైపు బ్రెస్ట్ ఫీడింగ్ ప్రమోషన్ నెట్‌వర్క్ ఆఫ్ ఇండియా (బిపిఎన్‌ఐ) సహకారంతో 30 మంది మాస్టర్ ట్రెయినీలకు శిక్షణ ఇప్పించింది. ఇలా శిక్షణ ఇప్పించిన తొలిరాష్ట్రంగా రికార్డు సృష్టించింది. వారు రాష్ట్రవ్యాప్తంగా ఉన్న వైద్య సిబ్బంది, ఏఎన్‌ఎంలు, ఆశాలకు శిక్షణ ఇస్తున్నారు. వారి ద్వారా గర్భిణులకు, బాలింతలకు తల్లిపాల ఆవశ్యకతపై విస్తృతంగా అవగాహన కల్పిస్తున్నారు.
తల్లిపాలను ప్రోత్సహించేందుకు రెండు ఎల్‌ఎంయుల స్థాపన
ప్రసవం అయిన గంటలోపే ఆపరేషన్ థియేటర్‌లో లేదా ప్రసూతి గదిలో శిశువులకు ముర్రుపాలు అందిస్తే.. తల్లుల కేస్‌షీట్‌లో ప్రత్యేకంగా ఆకుపచ్చ రంగులో ఉండే బ్రెస్ట్ ఫీడింగ్ స్టాంపులు వేస్తున్నారు. తద్వారా ఎంత మంది పిల్లలకు ముర్రుపాలు అందాయో పర్యవేక్షించేందుకు అవకాశం కలిగింది. తల్లిపాలను ప్రోత్సహించేందుకు ప్రభుత్వం రెండు కాంప్రహెన్సివ్ లాక్టేషన్ మేనేజ్మెంట్ సెంటర్లు (సిఎల్‌ఎంసి), రెండు లాక్టేషన్ మేనేజ్మెంట్ యూనిట్లను (ఎల్‌ఎంయు) స్థాపించింది. రాష్ట్రంలోని ప్రభుత్వ దవాఖానల్లో అత్యధిక డెలివరీలు జరుగుతున్న 41 కేంద్రాలను ప్రభుత్వం గుర్తించింది. ఇక్కడ ప్రత్యేకంగా లాక్టేషన్ వర్కర్లను నియమించింది. వీరు మూడు షిప్టుల్లో అందుబాటులో ఉంటారు. వీరు తల్లిపాల గురించి ఎఎన్‌సి, పిఎన్‌సి చెకప్‌ల సమయంలో గర్భిణులు, బాలింతలకు అవగాహన కల్పిస్తారు. ఆపరేషన్ థియేటర్లలో, ప్రసూతి గదిలో ఉండి నవజాత శిశువులకు ముర్రుపాలు అందేలా చూస్తారు. మొదటి దశలో 50 ప్రభుత్వ దవాఖానలను బిఎఫ్‌హెచ్‌ఐ గుర్తింపు సాధించాలని నిర్ణయించింది. ఇప్పటికే ఆరు దవాఖానలు అక్రిటిడేషన్ సాధించగా, మరో తొమ్మిది దవాఖానలు దరఖాస్తు చేసుకున్నాయి. వీటికి త్వరలోనే గుర్తింపు వస్తుందని అధికారులు చెప్తున్నారు. ఈ సర్టిఫికెట్ కాలపరిమితి మూడేళ్లు ఉంటుంది.
వైద్య సిబ్బందికి అభినందనలు : మంత్రి హరీశ్ రావు
ఖమ్మం జిల్లా ఆసుపత్రికి బిఎఫ్‌హెచ్‌ఐ అక్రిడేషన్ రావడం పట్ల రాష్ట్ర ఆర్ధిక, వైద్యారోగ్య శాఖ మంత్రి టి.హరీశ్‌రావు హర్షం వ్యక్తం చేశారు. ఈ సందర్భంగా దవాఖాన సిబ్బందికి ప్రత్యేక అభినందనలు తెలిపారు. రాష్ట్రంలో మొత్తం ఆరు ప్రభుత్వ దవాఖానలు ఈ గుర్తింపు సాధించడం గొప్ప విషయమని పేర్కొన్నారు. సిఎం కెసిఆర్ సారథ్యంలో ర్రాష్ట ప్రజలకు మెరుగైన, నాణ్యమైన వైద్య సేవలు అందుతున్నాయని చెప్పడానికి ఇది మరో నిదర్శనమని వ్యాఖ్యానించారు. రాష్ట్ర ప్రభుత్వం చేపట్టిన ఇలాంటి ప్రత్యేక కార్యాచరణ ఫలితంగా రాష్ట్రంలో నవజాత శిశుమరణాలు, ఐదేండ్లలోపు పిల్లల మరణాలు తగ్గుముఖం పట్టాయని తెలిపారు.