వాల్తేరు వీరయ్య సినిమా విజయంతో దూసుకుపోతున్న మెగాస్టార్ చిరంజీవి ప్రస్తుతం స్టైలిష్ మేకర్ మెహర్ రమేష్ దర్శకత్వంలో రూపొందుతున్న మెగా మాసివ్ యాక్షన్ ఎంటర్‌టైనర్ ‘భోళా శంకర్’తో బిజీగా ఉన్నారు. రామబ్రహ్మం సుంకర అత్యంత భారీ బడ్జెట్‌తో ఈ చిత్రాన్ని నిర్మిస్తున్నారు. భోళా మానియా ఈ నెల 4న విడుదలయ్యే మొదటి సింగిల్‌తో ప్రారంభమవుతుంది. ఇక మెగాస్టార్ చిరంజీవి అల్ట్రా- మోడిష్ అవతార్‌లో ఉన్న స్టైలిష్ పోస్టర్ ద్వారా శుక్రవారం పాట ప్రోమోను విడుదల చేయనున్నట్లు మేకర్స్ ప్రకటించారు.
చిరు స్పోర్ట్ షేడ్స్‌తో స్టార్ చిహ్నాలు ఉన్న ఆకుపచ్చ చొక్కా ధరించి త్రిశూల్ ఆకారంలో చైన్‌ని తిప్పుతూ పోస్టర్‌లో కనిపించారు. అనిల్ సుంకర ఎకె ఎంటర్‌టైన్‌మెంట్స్ నిర్మిస్తున్న ఈ చిత్రంలో తమన్నా కథానాయికగా నటిస్తుండగా, కీర్తి సురేష్ చిరంజీవి సిస్టర్‌గా కనిపించనుంది. భోళా శంకర్ సినిమా ఆగస్టు 11న ప్రపంచవ్యాప్తంగా గ్రాండ్‌గా విడుదల కానుంది.