- Advertisement -
హైదరాబాద్: సిటీలో ఘోర రోడ్డు ప్రమాదం జరిగింది. ఓ బైక్ డివైడర్ను ఢీకొట్టడంతో ముగ్గురు అక్కడికక్కడే ప్రాణాలు కోల్పోయారు. రాజేంద్రనగర్‌ మండలంలో శివరాంపల్లి వద్ద బహుదూర్పుర నుంచి ఆరంఘర్ వెళ్లే ఫ్లై ఓవర్పై ఈ ఘటన చోటుచేసుకుంది.మంగళవారం ఉదయం ముగ్గురు బాలురు ట్రిబుల్ రైడింగ్ చేస్తూ అతి వేగంతో బైక్ నడపటంతో.. బైక్ ను కంట్రోల్ చేయలేక డివైడర్ను ఢీకొట్టారు.
ఈ ప్రమాదంలో తీవ్రంగా గాయపడిన ముగ్గురు సంఘటనాస్థలంలోనే మృతి చెందారు. సమాచారం అందుకున్న పోలీసులు ఘటన స్థలానికి చేరుకుని పరిశీలించారు. అనంతరం మృతదేహాలను పోస్ట్ మార్టం కోసం ఉస్మానియా ఆస్పత్రికి తరలించారు. మృతులు బహుదూర్‌పురాకు చెందిన బాలురుగా పోలీసులు గుర్తించారు. ఈ ప్రమాదంపై కేసు నమోదు చేసి దర్యాప్తు చేయనున్నట్లు పోలీసులు తెలిపారు.
- Advertisement -