- Advertisement -
లక్నో: ఉత్తర్ ప్రదేశ్‌లోని మోహన్‌లాల్‌గంజ్ నియోజకవర్గం బిజెపి ఎంపి కౌశల్ కిషోర్ కుమారుడు ఆయుష్(30) కాల్పులలో గాయపడ్డారు. ఆయుష్‌పై ఆయన బావమరిది కాల్పులు జరిపినట్లు పోలీసులు వెల్లడించారు. అయితే ఈ సంఘటన వెనుక గల కారణాలు ఇంకా తెలియరాలేదని పోలీసులు చెప్పారు. మదియాన్ ప్రాంతంలో ఈ సంఘటన జరిగిందని, ఆయుష్‌ను వెంటనే ఆసుపత్రికి తరలించి చికిత్స అనంతరం డిశ్చార్జ్ చేశారని వారు తెలిపారు. ఈ సంఘటనపై ఎటువంటి ఫిర్యాదు రాలేదని, ఈ కాల్పులలో ఉపయోగించిన ఆయుధాన్ని స్వాధీనం చేసుకున్న తర్వాత కేసు నమోదు చేసే విషయం పరిశీలిస్తామని లక్నో పోలీసు కమిషనర్ డికె ఠాకూర్ తెలిపారు.
BJP MP Kaushal Kishore son shot in lucknow
- Advertisement -