ముంబై: భారతీయ జనతా పార్టీ (బిజెపి) జాతీయ ప్రధాన కార్యదర్శి వినోద్ తావ్డే శుక్రవారం కాంగ్రెస్ అధ్యక్షుడు మల్లికార్జున్ ఖర్గే, లోక్‌సభలో ప్రతిపక్ష నాయకుడు రాహుల్ గాంధీ, పార్టీ అధికార ప్రతినిధి సుప్రియా శ్రీనాటే లకు ఓటర్లకు డబ్బు పంచుతున్నారనే ఆరోపణలపై పరువు నష్టం నోటీసు ఇచ్చారు.
ఆ ముగ్గురు కాంగ్రెస్ నాయకులు క్షమాపణలు చెప్పాలని లేదా వారిపై రూ.100 కోట్ల దావా వేస్తామని తావ్డే లాయర్ లీగల్ నోటీసు పంపారు. తావ్డే వారి నుంచి బేషరతుగా క్షమాపణలు చెప్పాలని కోరాడు, క్షమాపణ చెప్పని పక్షంలో తన పరువు తీసేందుకు ప్రయత్నించిన వారిపై క్రిమినల్, సివిల్ కేసులు నమోదు చేస్తానని అన్నట్లు పిటిఐ వార్తా సంస్థ పేర్కొంది.
కాంగ్రెస్ చీఫ్ మల్లికార్జున్ ఖర్గే సైతం ఈ విషయంపై ప్రధాని మోడీపై విరుచుకుపడ్డారు, డబ్బు, కండబలంతో మహారాష్ట్రను “భద్రంగా” ఉంచుతామని ప్రధాని వాగ్దానం చేస్తుంటే, పార్టీ నాయకుడు రూ.5 కోట్ల నగదుతో “రెడ్ హ్యాండెడ్”గా పట్టుబడ్డారని అన్నారు.