- Advertisement -
నిజామాబాద్ జిల్లా, ఎడపల్లి మండలం, కుర్నాపల్లిలో మంగళవారం బాలుడిపై ఎలుగుబంటి దాడి చేసింది. వివరాల్లోకి వెళ్తే.. ఉదయం 6 గంటల సమయంలో చెరువు కట్ట దగ్గర కాలకృత్యాలకు వెళ్లిన పరిగె ఆశ్విత్ కుమార్ (14)పై ఎలుగుబంటి దాడి చేసింది. చుట్టుపక్కల ఉన్న ఇండ్ల వారు కేకలు వేయడంతో ఎలుగుబంటి పారిపోయింది. అయితే, ఎలుగుమబంటి నుంచి తప్పించుకొని ప్రాణాలు కాపాడుకున్నా తీవ్రంగా గాయపడ్డాడు. స్థానికులు వెంటనే బాలుడి కుటుంబ సభ్యులకు తెలపగా 108 అంబులెన్స్ ద్వారా జిల్లా ప్రభుత్వాసుపత్రికి చికిత్స కోసం తరలించారు. కాగా, కుర్నాపల్లిలో బాలుడిపై ఎలుగుబంటి దాడి సమాచారం తెలియడంతో ఫారెస్ట్ అధికారులు స్థానికులతో కలిసి ఘటన స్థలాన్ని పరిశీలించారు. చుట్టుపక్కల అడవి ప్రాంతంలో 47 కెనాల్ వైపు వెళ్లారు. చెరువు కట్ట దగ్గరికి వెళ్లేవారు జాగ్రత్తగా ఉండాలని ఫారెస్ట్ అధికారులు సూచించారు.
- Advertisement -