శాసనసభ ప్రాంగణంలో బీఆర్ఎస్ ఎమ్మెల్యేలు బైఠాయించి, ప్రభుత్వ వైఖరికి నిరసన తెలియజేశారు. సభలో కాంగ్రెస్ సభ్యుల వైఖరికి నిరసనగా బయటకు వచ్చి మీడియా పాయింట్ వైపు వెళ్తున్న బీఆర్ఎస్ ఎమ్మెల్యేలను మార్షల్స్ అడ్డుకున్నారు. సభ జరుగుతుండగా మీడియా పాయింట్ వద్దకు వెళ్లేందుకు అనుమతి లేదని చెప్పారు. దాంతో బీఆర్ఎస్ ఎమ్మెల్యేలు అసెంబ్లీ ప్రాంగణంలోనే బైఠాయించారు. కేటీఆర్, హరీశ్ రావు, కడియం శ్రీహరి తదితరులు కూడా పాల్గొన్నారు. అసెంబ్లీ ప్రాంగణంలో ఆంక్షలు విధించడంపై హరీశ్ రావు ఆగ్రహం వ్యక్తం చేశారు. అసెంబ్లీలోనూ, బయటా తమ గొంతు నొక్కుతున్నారని అన్నారు.
ఇదేనా ప్రజాపాలన..?
ప్రజాస్వామ్యాన్ని ఖూనీ చేస్తున్న కాంగ్రెస్ ప్రభుత్వం.
అసెంబ్లీ మీడియా పాయింట్ వద్ద మాట్లాడటానికి వెళుతున్న బీఆర్ఎస్ ఎమ్మెల్యేలను అడ్డుకోవడం ప్రజాస్వామ్యమా?
అసెంబ్లీ నడుస్తుండగా మీడియా పాయింట్ వద్ద ఎమ్మెల్యేలు మాట్లాడకూడదనే నిబంధన లేనేలేదు.
ప్రతిపక్షాల… pic.twitter.com/yxrID7RBW9
— Harish Rao Thanneeru (@BRSHarish) February 14, 2024