- Advertisement -
మహబూబ్ నగర్: రాష్ట్రంలో అసెంబ్లీ ఎన్నికలు సమీపిస్తున్న వేళ బీఆర్ఎస్ కు షాక్ తగిలింది. రోజురోజుకు ఎవరో ఒకరు బీఆర్‌ఎస్‌కు రాజీనామా చేసేందుకు సిద్ధమవుతున్నారు. ఇటీవల నాగర్ కర్నూల్ ఎమ్మెల్సీ కూచకుళ్ల దామోదర్ రెడ్డి బీఆర్ఎస్ పార్టీకి రాజీనామా చేశారు. కొల్లాపూర్‌ కాంగ్రెస్ పరిషత్‌ కార్యాలయంలో జూపల్లి కృష్ణారావుతో కలిసి కూచుకుళ్ల దామోదర్‌రెడ్డి విలేకరుల సమావేశంలో పాల్గొన్నారు. ఇందులో భాగంగా టీపీసీసీ అధ్యక్షుడు రేవంత్ రెడ్డి ఆదేశిస్తే ఎమ్మెల్సీ పదవికి రాజీనామా చేసేందుకు సిద్ధమన్నారు. 2023 అక్టోబర్ 31న ప్రియాంక గాంధీ సమక్షంలో కూచుకుల్లా కాంగ్రెస్ పార్టీలో చేరనున్న సంగతి తెలిసిందే. మరోవైపు ఇటీవలే బీజేపీకి రాజీనామా చేసిన కోమట్ రెడ్డి రాజగోపాల్ రెడ్డి రేపు రాహుల్ గాంధీ సమక్షంలో కాంగ్రెస్‌లో చేరనున్నారు.
- Advertisement -