హోస్ట్ సిటీ ఒప్పందాన్ని ఉల్లంఘించారని మున్సిపల్ శాఖకు నిర్వాహకుల నోటీసులు
మనతెలంగాణ/హైదరాబాద్ : హైదరాబాద్‌లో జరగాల్సిన ఫార్ములా ఇ రేస్‌ను నిర్వాహకులు రద్దు చేశారు. ఈ నేపథ్యంలోనే హోస్ట్ సిటీ ఒప్పందాన్ని ఉల్లంఘించినట్లు ఫార్ములా ఇ రేస్ నిర్వాహకులు తెలంగాణ మున్సిపల్ శాఖకు నోటీసులు ఇ చ్చారు. ఇ రేస్‌సీజన్ 10కు చెందిన నాలుగో రౌండ్ హైదరాబాద్‌లో ఫిబ్రవరి 10వ తేదీ న జరగాల్సి ఉంది. అయితే ఆ రేస్ ను రద్దు చేస్తున్నట్లు ఫార్ములా ఇ రేస్ నిర్వాహకులు ప్రకటించారు. గతేడాది అక్టోబర్ 30వ తేదీ జరిగిన ఒప్పందాన్ని ము న్సిపల్ శాఖ ఉల్లంఘించినట్లు ఫార్ములా ఈ రేస్‌ను నిర్వాహకులు ఆ నోటీసులో పేర్కొన్నారు.
హోస్ట్ సిటీ అగ్రిమెంట్ చట్టా ల ప్రకారం చర్యలు తీసుకోనున్నట్లు ఎఫ్‌ఈఓ తెలిపింది. గత తెలంగాణ ప్రభుత్వం, ఫార్ములా ఈ రేస్‌ల మధ్య ఒప్పందం జ రిగింది. ప్రస్తుతం ఆ ఒప్పందం రద్దు కావడం విశేషం.ప్రభు త్వం సర్కారు తీసుకున్న తాజా నిర్ణయం తమను నిరాశపరిచినట్లు ఫార్ములా ఈ చీఫ్ చాంపియన్ షిప్ ఆఫీసర్ ఆల్బర్టో లాంగో తెలిపారు. భారత్ మోటార్ స్పోర్ట్ అభిమానులను ఈ విషయం తీవ్ర నిరాశకు గురిచేసిందన్నారు. వరల్డ్ చాంపియన్ షిప్ రేస్ ఈవెంట్ హైదరాబాద్ నిర్వహించడం కీలకమైందని, కానీ, దురదృష్టవశాత్తు తెలంగాణలో ఏర్పడ్డ కొత్త సర్కార్ నిర్ణయం వల్ల ఈ ఈవెంట్‌ను నిర్వహించలేకపోతున్నట్లు ఆల్బర్టో తెలిపారు.