హైదరాబాద్: ప్రముఖ ప్రజా గాయకుడు గద్దర్ ఇటీవల అనారోగ్యంతో కన్నుమూశారు. టిడిపి అధినేత చంద్రబాబు మంగళవారం గద్దర్ కుటుంబాన్ని పరామర్శించారు. మంగళవారం టీడీపీ తెలంగాణ అధ్యక్షుడు కాసాని జ్ఞానేశ్వర్‌తో కలిసి చంద్రబాబు హైదరాబాద్‌లోని అల్వాల్‌లోని గద్దర్ నివాసానికి వెళ్లారు. గద్దర్ చిత్రపటానికి పూలమాల వేసి నివాళులర్పించారు. మృతి పట్ల సంతాపాన్ని వ్యక్తం చేసిన చంద్రబాబు ఆయన కుటుంబ సభ్యులకు సానుభూతి తెలియజేశారు.
అనంతరం మీడియాతో మాట్లాడిన చంద్రబాబు… గద్దర్ ఆత్మకు శాంతి కలగాలని ప్రార్థిస్తున్నట్లు తెలిపారు. గద్దర్ ప్రజల కోసం పోరాట యోధునిగా అభివర్ణించారు. పోరాటాలే ఆయనకు ప్రాణం. ఆయన మరణం తీరని లోటు, అయితే ఆయన స్ఫూర్తి శాశ్వతంగా నిలిచిపోతుందని చంద్రబాబు పేర్కొన్నారు.
1997లో గద్దర్‌పై జరిగిన కాల్పుల ఘటనపై చంద్రబాబు స్పందించారు. కాల్పుల ఘటనకు సంబంధించి తనపై తప్పుడు ఆరోపణలు చేయడం పట్ల ఆయన ఆందోళన వ్యక్తం చేశారు. కొన్ని అపోహలు తలెత్తాయని ఆయన స్పష్టం చేశారు. ఈ ఘటన తర్వాత తాను గద్దర్‌తో పలు సందర్భాల్లో సంభాషించానని చంద్రబాబు వెల్లడించారు. అణగారిన వర్గాల హక్కులను పరిరక్షించడమే మా ఏకైక లక్ష్యం అని బాబు ఆయన వివరించారు.