ఛరిష్మాటిక్ బర్త్ డే లుక్

చార్మింగ్ స్టార్ శర్వా తన 36వ మూవీ ‘శర్వా36’లో స్కిల్ మోటార్ సైకిల్ రేసర్‌గా కనిపించబోతున్నారు. అభిలాష్ కంకర దర్శకత్వంలో ప్రతిష్టాత్మక యువి క్రియేషన్స్ ఈ చిత్రాన్ని నిర్మిస్తోంది. ఈ సినిమా షూటింగ్ ఫైనల్ స్టేజ్ కి చేరుకుంది. త్వరలోనే టైటిల్ ను లాంచ్ చేయడానికి మేకర్స్ ప్లాన్ చేస్తున్నారు. శర్వాకు పుట్టినరోజు శుభాకాంక్షలు తెలుపుతూ, మేకర్స్ సినిమాలో అతని లుక్‌ను చూపిస్తూ ఒక పోస్టర్‌ను విడుదల చేశారు. టోర్న్ జీన్స్, స్టైలిష్ స్పోర్ట్ జాకెట్, షేడ్స్ ధరించి యమహా ఆర్‌ఎక్స్ -100 బైక్ పై కూర్చున్న శర్వా లుక్ అదిరిపోయింది. శర్వా కూల్ అండ్ ఎనర్జిటిక్ వైబ్‌తో కనిపించిన ఈ లుక్ ఛరిష్మాటిక్‌గా ఉంది. వైవిధ్యమైన పాత్రలతో ఆకట్టుకునే శర్వా ఈ చిత్రంలో మరో సవాలుతో కూడిన పాత్రను పోషిస్తున్నారు. ఈసారి గతంలో ఎన్నడూ లేనివిధంగా ఆడ్రినలిన్ రష్‌ని ఇచ్చే స్టంట్స్‌తో అదరగొట్టబోతున్నారు. ఈ చిత్రంలో మాళవిక నాయర్ కథానాయికగా నటించగా, బ్రహ్మాజీ, అతుల్ కులకర్ణి కీలక పాత్రలు పోషించారు. వంశీ, ప్రమోద్ నిర్మించిన ఈ హై-ఎనర్జీ చిత్రం మోటోక్రాస్ రేసింగ్ బ్యాక్‌డ్రాప్‌లో ఉండబోతోంది. మూడు తరాల నేపధ్యంలో ఒక కుటుంబం, ప్రేమ, కలలతో ముడిపడి 90వ, 2000వ ప్రారంభంలోని ఆసక్తికరమైన మోటోక్రాస్ బ్యాక్‌డ్రాప్‌లో ఉన్న అద్భుతమైన కథ ఇది.