మెగాస్టార్ చిరంజీవి హీరోగా త్రిష హీరోయిన్‌గా యంగ్ అండ్ టాలెంటెడ్ దర్శకుడు వశిష్ఠ తెరకెక్కిస్తున్న భారీ విజువల్ ట్రీట్ చిత్రం విశ్వంభర. అయితే ఈ చిత్రం రిలీజ్ కోసం మెగా అభిమానులు ఎంతో ఆసక్తిగా ఎదురుచూస్తున్నారు. తాజాగా దర్శకుడు వశిష్ఠ ఈ భారీ సినిమా ఆల్బమ్‌పై ఆసక్తికరమైన అప్డేట్ ని అందించాడు. ఈ సినిమాకి ఆస్కార్ విజేత ఎంఎం కీరవాణి సంగీతం అందిస్తున్న సంగతి తెలిసిందే. మెగాస్టార్ చిరంజీవి, పాటల రచయిత చంద్రబోస్, సంగీత దర్శకుడు ఎంఎం కీరవాణితో తాను కలిసి ఉన్న ఓ పిక్‌ని సోషల్ మీడియాలో షేర్ చేస్తూ…
విశ్వంభర కోసం కీరవాణి ఎలాంటి పాటలు, సంగీతాన్ని అందించాడో వినేందుకు తాను చాలా ఆసక్తిగా ఎదురుచూస్తున్నట్టు వశిష్ఠ తెలియజేశాడు. దీంతో విశ్వంభర ఆల్బమ్‌పై మరింత బజ్ ఏర్పడింది అని చెప్పాలి. విశ్వంభర సినిమాను మే నెలలో విడుదల చేసే అవకాశాలు ఉన్నాయి. చిరంజీవి సూపర్ హిట్ మూవీ జగదేక వీరుడు అతిలోక సుందరి సినిమా మే 9న విడుదల అయ్యి భారీ విజయాన్ని సొంతం చేసుకుంది. అందుకే ఆ సినిమా సెంటిమెంట్‌తో అదే డేట్‌న విశ్వంభర సినిమాను విడుదల చేయాలని మేకర్స్ ఫిక్స్ అయ్యారని తెలిసింది. యూవీ క్రియేషన్స్ వారు ఈ చిత్రాన్ని భారీ బడ్జెట్ తో నిర్మాణం వహిస్తున్నారు.