- Advertisement -
అమరావతి: నంద్యాల జిల్లా కొలిమిగుండ్ల మండలం కల్వతల గ్రామంలో రామ్‌కో సిమెంట్ ఫ్యాక్టరీని ముఖ్యమంత్రి వై.ఎస్ జగన్‌మోహన్‌రెడ్డి బుధవారం ప్రారంభించారు. ఈ సందర్భంగా ఆయన మాట్లాడుతూ… కొత్త పరిశ్రమల స్థాపనతో స్థానికులకే ఎక్కువ ఉద్యోగాలు లభిస్తాయన్నారు. “రామ్‌కో సిమెంట్ స్థానికులకు 1,000 ఉద్యోగాలు కల్పిస్తుంది” అని సిఎం ప్రస్తావించారు. కొత్త పారిశ్రామిక యూనిట్ల స్థాపనకు వైయస్‌ఆర్‌సిపి ప్రభుత్వం పూర్తి సహకారం అందిస్తుందని పారిశ్రామికవేత్తలకు హామీ ఇచ్చారు. ఈజ్‌ ఆఫ్ డూయింగ్‌ బిజినెస్‌లో ఏపీ మొదటి స్థానంలో ఉందని చెప్పారు. 1,790 కోట్లతో కల్వటలలో రామ్‌కో సిమెంట్ ఉత్పత్తి యూనిట్‌ను ఏర్పాటు చేసింది. దీని వార్షిక సామర్థ్యం 2 మిలియన్ టన్నుల సిమెంట్. ఈ కార్యక్రమంలో పరిశ్రమల శాఖ మంత్రి గుడివాడ అమర్‌నాథ్‌, పలువురు అధికారులు పాల్గొన్నారు.
- Advertisement -