జైపూర్: ఉదయపూర్‌లో కాంగ్రెస్ మూడు రోజుల ‘చింతన్ శివిర్’ ఆదివారంతో ముగియనుండడంతో, కాంగ్రెస్ వర్కింగ్ కమిటీ అనేక సంస్థాగత సంస్కరణలు,అనేక కీలక అంశాలపై పార్టీ వైఖరిని నిర్దేశిస్తూ ‘నవ్ సంకల్ప్’ ప్రకటనను ఆమోదించాలని భావిస్తోంది. చివరి రౌండ్ చర్చలు ఆదివారం ప్రారంభమయ్యాయి, వివిధ ప్యానెల్లు తమ నివేదికలను కాంగ్రెస్ అధ్యక్షుడికి సమర్పించాయి, తుది ఆమోదం కోసం అవి సిడబ్య్లుసికి ఇవ్వబడతాయి. సిడబ్య్లుసి సమావేశానికి పార్టీ అధినేత్రి సోనియా గాంధీ, మాజీ అధ్యక్షుడు రాహుల్ గాంధీ, సీనియర్ నేతలు మల్లికార్జున్ ఖర్గే, గులాం నబీ ఆజాద్, పి చిదంబరం, ప్రియాంక గాంధీ వాద్రా సహా కాంగ్రెస్ అగ్రనేతలు హాజరయ్యారు. వరుస ఎన్నికల పరాజయాల తర్వాత, ‘చింతన్ శివిర్’ పార్టీ పునర్నిర్మాణంపై ఆలోచనలు చేయడానికి, తదుపరి ఎన్నికల్లో బిజెపిని ఎదుర్కోవడానికి మార్గాలను కనుగొనడానికి, దేశవ్యాప్తంగా ఉన్న కాంగ్రెస్ నాయకులను ఏకతాటిపైకి తీసుకురావడానికి ఉద్దేశించబడింది.