- Advertisement -
న్యూఢిల్లీ : దేశంలో కరోనా కేసులు మంగళవారం కాస్త తగ్గాయి. సోమవారం 4.84 లక్షల మందికి కొవిడ్ పరీక్షలు చేయగా, 2288 మందికి వైరస్ పాజిటివ్ అని తేలింది. ప్రస్తుతం పాజిటివిటీ రేటు 0.47 శాతంగా ఉంది. 24 గంటల వ్యవధిలో 3,044 మంది కొవిడ్ నుంచి కోలుకున్నారు. మరో రోజు కొత్త కేసులు కంటే రికవరీలే ఎక్కువగా ఉండటం సానుకూలమైన అంశం. దీంతో క్రియాశీల కేసులు 20 వేల లోపుకు చేరాయి. సోమవారం 10 మంది మృతి చెందారు. ఇప్పటివరకు 4.31 కోట్ల మందికి కరోనా సోకగా, అందులో 98.74 శాతం మంది వైరస్ నుంచి కోలుకున్నారు. క్రియాశీల రేటు 0.05 శాతంగా కొనసాగుతోంది. ఇప్పటివరకు దేశంలో 5.24 లక్షల మంది కరోనాకు బలయ్యారని కేంద్రం మంగళవారం వెల్లడించింది.
- Advertisement -