- Advertisement -
అధికారులకు సిఎస్ సోమేష్‌కుమార్ సూచన
హైదరాబాద్ : ఉద్యోగులందరూ వ్యాక్సిన్ వేయించుకునేలా చూడాలని అధికారులకు ప్రభుత్వ ప్రధాన కార్యదర్శి సోమేష్‌కుమార్ సూచించారు. బి.ఆర్.కె.ఆర్ భవన్‌లో సచివాలయ ఉద్యోగుల కోసం శనివారం చేపట్టిన రెండవ విడత వ్యాక్సినేషన్ డ్రైవ్‌ను సిఎస్ పరిశీలించారు. వ్యాక్సినేషన్ డ్రైవ్ పట్ల ఉద్యోగులందరు సంతోషం వ్యక్తం చేశారు. సిఎం కెసిఆర్ ఆదేశాల మేరకు కాంట్రాక్ట్, ఔట్ సోర్సింగ్‌తో సహా సచివాలయ ఉద్యోగులకు జూన్ 11, 12 తేదీలలో రెండురోజుల పాటు స్పెషల్ వ్యాక్సినేషన్ డ్రైవ్‌ను ఏర్పాటు చేసి మొదటి విడత టీకాలు ఇచ్చారు. ఈ కార్యక్రమంలో జిఎడి ముఖ్యకార్యదర్శి వికాస్ రాజ్, ఆరోగ్య, కుటుంబ సంక్షేమ శాఖ కార్యదర్శి రిజ్వీ, జిఎడి జాయింట్ సెక్రెటరీ చిట్టిరాణి, డిప్యూటీ డిఎంహెచ్ డాక్టర్ పద్మజ తదితరులు పాల్గొన్నారు.
- Advertisement -