- Advertisement -
సిరిసిల్లకు చెందిన ఓ కుర్రాడు ఏకంగా ధోని నాయకత్వం వహిస్తున్న చెన్నై సూపర్ కింగ్స్ లో చోటు దక్కించుకున్నాడు. ఇప్పుడు నెట్టింట అతని పేరు వైరల్ గా మారింది. అతని పుట్టుపూర్వోత్తరాల గురించి క్రికెట్ అభిమానులు తెగ వెతికేస్తున్నారు. ఇంతకీ ఆ కుర్రాడి పేరు… అవనీశ్ రావు. రాజన్న సిరిసిల్ల జిల్లా ముస్తాబాద్ మండలం పోతుగల్ కు చెందిన అవనీత్ ను చెన్నై జట్టు 20 లక్షల బేసిక్ ధరకే కొనుగోలు చేసింది.
18 ఏళ్ల అవనీశ్ వికెట్ కీపర్ కమ్ బ్యాటర్ గా అండర్ 19 జట్టులో సత్తా చూపించాడు. మొన్న నవంబర్ లో జరిగిన అండర్ 19 టోర్నమెంటులోనూ మెరుపులు మెరిపించాడు. భారత్- ఏ జట్టులో ఆడిన అవనీశ్, బి జట్టుపై 163 పరుగుల భారీ స్కోరు చేసి, అందరి దృష్టినీ ఆకర్షించాడు. అవనీశ్ లెఫ్ట్ హ్యాండర్. వచ్చే ఏడాది దక్షిణాఫ్రికాలో జరిగే అండర్ 19 ప్రపంచ కప్ టోర్నీలో ఆడే భారత జట్టుకు అవనీశ్ ఎంపికయ్యాడు.
- Advertisement -