- Advertisement -
నైపిడా: మయన్మార్ దేశాన్ని భూకంపం అతలాకుతలం చేసింది. గత శుక్రవారం రిక్టార్ స్కేలుపై 7.7 తీవ్రతతో సంభవించిన భారీ భూకంపంతో దేశం ఒక్కసారిగా ఉలిక్కిపడింది. ఆ తర్వాత కూడా భూమి పలుమార్లు కంపించింది. దీంతో దేశంలో ఎటూ చూసిన విధ్వంసమే కనిపిస్తుంది. ఈ ప్రకృతి విలయతాండవం కారణంగా మృతి చెందిన వారి సంఖ్య.. 2,700లకు చేరింది. ఇప్పటికూ 4,500 మంది గాయపడ్డారు. భూకంపం కారణంగా 441 మంది ఆచూకీ గల్లంతైంది. గల్లంతైన వారి కోసం సహాయక బృందాలు గాలిస్తున్నాయి. సహాయక చర్యలు ముమ్మరంగా సాగుతున్నాయి.
మయన్మార్‌లో సంభవించిన ఈ భూకంప ప్రభావం పొరుగు దేశాలపై చైనా, థాయ్‌లాండ్ తదితర దేశాలపై కూడా పడింది. ఆ దేశాల్లో కూడా భూకంపం సంభవించింది. ఇక మయన్మార్‌ను ఆదుకొనేందుకు భారత్ ముందుకొచ్చిన విషయం తెలిసిందే. ఇప్పటికే ఆ దేశానికి అవసరమైన సాయాన్ని భారత్ పంపించింది.
- Advertisement -