న్యూఢిల్లీ : 14 ఏళ్ల బాలుడిచే బూట్లు నాకించడమే కాక, అతని స్నేహితులు ముగ్గురిపై బలవంతంగా అసహజ లైంగిక చర్య చేయించిన సంఘటన వెలుగు లోకి వచ్చింది. ఈ సంఘటనను నిందితులు వీడియో రికార్డు చేసి సామాజిక మాధ్యమాల్లో వైరల్ చేయించారు. దక్షిణ ఢిల్లీ లోని హౌజ్ ఖాస్ ఏరియాలో ఇది జరిగిందని పోలీస్‌లు సోమవారం వెల్లడించారు. నిందితులు ముగ్గురినీ పోలీస్‌లు పట్టుకుని విచారిస్తున్నారు.
ముగ్గురు బాల నిందితుల్లో ఒకరు ఈ వీడియోను బాధితుడైన బాలుని తల్లికి పంపగా, ఆమె పోలీస్‌లను ఆశ్రయించింది. ఈ వీడియో ఇన్‌స్టాగ్రామ్‌లో కూడా పోస్ట్ అయింది. ఈ దృశ్యాల్లో బాధిత బాలుడు బాగా కిందకు వంగేలా నిందితులు ఒత్తిడి చేశారు. మొదట అతనిచే బూట్లు నాకించారు. తరువాత అతని ముగ్గురు స్నేహితులపైన అసహజంగా లైంగిక చర్యకు పాల్పడేలా ఒత్తిడి తెచ్చారు. పోలీస్ ఉన్నతాధికారుల ఆదేశాలపై స్థానిక పోలీస్‌లు బాలుని తల్లివద్దకు చేరుకుని విషయం తెలుసుకున్నారు.
కొంతమంది దుండగులైన బాలురు తన 14 ఏళ్ల కుమారునిచే ఈ దురాగతం చేయించారని తన మొబైల్ ఫోన్‌లో వీడియో క్లిప్ పంపించారని బాలుని తల్లి పోలీస్‌ల ఎదుట మొర పెట్టుకుంది. బాలుడిని వైద్య పరీక్షలకు పోలీస్‌లు తీసుకెళ్లారు. తరువాత విచారణ చేపట్టారు. బాధితుని కథనం ప్రకారం శనివారం సాయంత్రం హౌజ్ ఖాస్ ఏరియా లోని సెంట్రల్ పార్కులో ఆటలాడుకున్న తరువాత సాయంత్రం 6.30 గంటల ప్రాంతంలో తాను ఇంటికి వెళ్తుండగా, 12 నుంచి 14 ఏళ్ల లోపు బాలురు తనను బలవంతంగా ఒంటరి ప్రదేశానికి తీసుకెళ్లారని బాలుడు చెప్పాడు.
నిందితుల్లో ఒకడు కత్తి చూపించి బెదిరించి తన మర్మావయవాన్ని తన నోటిలో పెట్టాడని, ముగ్గురు నిందితులు ఈ సంఘటనను వారి మొబైల్ ఫోన్ ద్వారా చిత్రీకరించారని బాలుడు చెప్పాడు. ఈ సంఘటన గురించి ఎవరికైనా చెబితే తీవ్ర పరిణామాలుంటాయని నిందితులు బెదిరించినట్టు తెలియజేశాడు. దీంతో భయపడి బాధితుడైన బాలుడు ఈ సంఘటనను తన తల్లిదండ్రులకు చెప్పకుండా దాచిపెట్టాడు. బాలుని వాంగ్మూలం ఆధారంగా పోస్కో చట్టంతోపాటు వివిధ సెక్షన్ల కింద పోలీస్‌లు నిందితులపై కేసులు నమోదు చేశారు.