రాజేంద్రప్రసాద్ నటన అందరినీ ఆశ్చర్యపరుస్తుంది

బ్లాక్‌బస్టర్ డైరెక్టర్ అనిల్ రావిపూడి సమర్పణలో శ్రీవిష్ణు, లవ్‌లీ సింగ్ హీరోహీరోయిన్లుగా డా.రాజేంద్రప్రసాద్ ప్రధాన పాత్రలో తెరకెక్కిన చిత్రం ‘గాలి సంపత్’. అనీష్ దర్శకత్వంలో ఎస్.క్రిష్ణ నిర్మించిన ఈ చిత్రం మహాశివరాత్రి కానుకగా గురువారం విడుదల కానుంది. ఈ సందర్భంగా అనిల్ రావిపూడితో ఇంటర్వూ విశేషాలు…

మంచి ఎమోషన్స్, థ్రిల్లింగ్ ఎలిమెంట్స్…
ఈ సినిమా డైరెక్టర్ అనీష్‌తో కూర్చొని స్క్రీన్ ప్లేకి హెల్ప్ చేశాను. సినిమాలో మంచి ఎమోషన్స్, సెకండాఫ్‌లో మంచి థ్రిల్లింగ్ ఎలిమెంట్స్ ఉంటాయి. డైరెక్టర్ అనీష్ అద్భుతంగా ఈ సినిమాను తెరకెక్కించాడు.
అవి ఆసక్తికరంగా…
ఈ సినిమాలో రాజేంద్ర ప్రసాద్, శ్రీవిష్ణు తండ్రీకొడుకులుగా నటించారు. తండ్రిది ఒక లక్షం, కొడుకుది మరొక లక్షం. ఇద్దరివి వేర్వేరు దారులు. అలాగే ఈ సినిమాలో వారికి ఓ ఈగో క్లాష్ వల్ల ఎలాంటి సమస్యలు వచ్చాయి? అనేవి ఆసక్తికరంగా ఉంటాయి.
లైఫ్ ఇచ్చారు…
‘గాలి సంపత్’ సినిమాకు రాజేంద్రప్రసాద్ లైఫ్ ఇచ్చారని చెప్పొచ్చు. ఈ సినిమాలో ఆయన నటన ఖచ్చితంగా అందరినీ ఆశ్చర్యపరుస్తుంది. అలాగే శ్రీ విష్ణుతో కలిసి చేసిన సీన్స్ కూడా చాలా బాగుంటాయి.
సమయం వచ్చినప్పుడు…
చిన్న సినిమాలను నేను తప్పకుండా ప్రోత్సహిస్తాను. నా కెరీర్ ప్రారంభమైంది చిన్న సినిమాల నుంచే. సమయం వచ్చినప్పుడు నేను కూడా చిన్న సినిమాలను తెరకెక్కిస్తాను.
ఫన్ మూడింతలు…
నా దర్శకత్వంలో తెరకెక్కుతున్న ‘ఎఫ్3’ సినిమా ‘ఎఫ్ 2’కి మాత్రం సీక్వెల్ కాదు. కానీ ఫన్ మాత్రం మూడింతలు ఉంటుంది. ఇప్పటికే 22 రోజుల షూటింగ్ పూర్తిచేశాం.
నెక్ట్స్ సినిమాలు…
బాలకృష్ణతో ఓ సినిమా చేయాలని చాలా సార్లు అనుకున్నాను. ఇంకా ఖరారు కాలేదు. మహేష్‌బాబుతో మరో సినిమా చర్చల దశలో ఉంది. అలాగే రామ్‌తో ఓ సినిమా చేయాలని ఎప్పటినుంచో అనుకుంటున్నాను. వీటితో పాటు ఓ లేడీ ఓరియెంటెడ్ స్పోర్ట్ ఫిల్మ్ చేద్దామనుకున్నాను. భవిష్యత్తులో ఓ స్పోర్ట్ ఫిల్మ్ చేస్తాను.

Director Anil Ravipudi Full Interview