సస్పెన్స్ థ్రిల్లర్‌గా ‘మిస్సింగ్’ చిత్రాన్ని తెరకెక్కించారు దర్శకుడు శ్రీని జోస్యుల. ఈ చిత్రాన్ని బజరంగబలి క్రియేషన్స్ పతాకంపై భాస్కర్ జోస్యుల, లక్ష్మీశేషగిరి రావు నిర్మించారు. హర్షా నర్రా, నికీషా రంగ్వాలా, మిషా నారంగ్ హీరో హీరోయిన్లుగా తెరకెక్కిన ఈ సిని మా శుక్రవారం ప్రేక్షకుల ముందుకొస్తోంది. ఈ సందర్భంగా దర్శకుడు శ్రీని జోస్యుల మాట్లాడుతూ “ఈ సినిమా కథకు హర్ష వంద శాతం న్యాయం చేశాడు. ఇదొక సస్పెన్స్ థ్రిల్లర్ మూవీ. అబద్ధంతో కథ మొదలుపెట్టి, సస్పెన్స్ క్రియేట్ చేస్తూ సినిమా సాగుతుంది. ఎక్కడ కథ మొదలైందో చివరలో అక్కడే ముగుస్తుంది. ఇదొక సక్సెస్‌ఫుల్ స్క్రీన్‌ప్లే ఫార్ములా”అని అన్నారు. ఎగ్జిక్యూటివ్ ప్రొడ్యూసర్ కిరణ్ మాట్లాడుతూ “ఇది థియేటర్ ఎక్స్‌పీరియన్స్ కోసం చేసిన సినిమా. ఎన్నో ఓటీటీ ఆఫర్స్ వచ్చినా ఇవ్వలేదు. ‘మిస్సింగ్’ థ్రిల్లింగ్ ఎలిమెంట్స్‌తో కథలో టర్నింగ్స్‌తో ప్రేక్షకులను ఆకట్టుకుంటుంది”అని తెలిపారు.