సందీప్ కిషన్ హీరోగా విజయ్ సేతుపతి ప్రధాన పాత్రలో రాబోతోన్న ‘మైఖెల్’ చిత్రాన్ని శ్రీ వెంకటేశ్వర సినిమాస్ ఎల్‌ఎల్‌పి, కరణ్ సీ ప్రొడక్షన్స్ ఎల్‌ఎల్‌పి సంయుక్తంగా నిర్మిస్తున్నాయి. ఈ యాక్షన్ ఎంటర్‌టైనర్ చిత్రాన్ని రంజిత్ జయకోడి తెలుగు, తమిళ, కన్నడ, మళయాల, హిందీ భాషల్లో తెరకెక్కిస్తున్నారు. ఈ చిత్రంలో స్టార్ డైరెక్టర్ గౌతమ్ వాసుదేవ్ మీనన్ విలన్‌గా నటిస్తున్నారు. తాజాగా మేకర్లు ఈ సినిమాలో హీరోయిన్ పాత్రను ప్రకటించారు. ‘మజిలి’ సినిమాతో ఎంట్రీ ఇచ్చి సూపర్ హిట్ అందుకున్న దివ్యాన్ష్ కౌశిక్ ఈ చిత్రంలో హీరోయిన్‌గా నటిస్తున్నారు. ఈ చిత్రంలో ఓ ముఖ్యమైన పాత్ర కోసం ఆమెను తీసుకున్నారు. రంజిత్ జయకోడి ఈ చిత్రానికి విభిన్నమైన స్క్రిప్ట్‌ను రెడీ చేశారు. నారాయణ్ దాస్ కె.నారంగ్ సమర్పణలో భరత్ చౌదరి, పి.రామ్‌మోహన్ రావు కలిసి ఈ చిత్రాన్ని భారీ ఎత్తున నిర్మిస్తున్నారు.