కెనిన్, స్వియాటెక్ ముందంజ
స్విటోలినా, ముచోవా ఇంటికి
ఫ్రెంచ్ ఓపెన్
పారిస్: ప్రతిష్టాత్మకమైన ఫ్రెంచ్ ఓపెన్‌లో టాప్ సీడ్ నొవాక్ జకోవిచ్ (సెర్బియా), డిఫెండింగ్ చాంపియన్ రఫెల్ నాదల్ (స్పెయిన్) నాలుగో రౌండ్‌కు చేరుకున్నారు. మహిళల సింగిల్స్‌లో నాలుగో సీడ్ సోఫియా కెనిన్ (అమెరికా), ప్రస్తుత విజేత ఇగా స్వియాటెక్ (పోలండ్) మూడో రౌండ్‌లో విజయం సాధించారు. అయితే ఐదో సీడ్ ఎలినా స్విటోలినా (ఉక్రెయిన్), 18వ సీడ్ కరోలినా ముచోవా (చెక్) మూడో రౌండ్‌లోనే ఓటమి పాలయ్యారు. పురుషుల సింగిల్స్ నాదల్ అలవోక విజయంతో నాలుగో రౌండ్‌కు దూసుకెళ్లాడు. శనివారం జరిగిన మూడో రౌండ్‌లో నాదల్ 63, 63, 63తో బ్రిటన్ ఆటగాడు కామెరూన్ నోరిను చిత్తు చేశాడు. ఆరంభం నుంచే దూకుడుగా ఆడిన నాదల్ అలవోకగా మూడు సెట్లు గెలిచి ముందంజ వేశాడు. మరోవైపు టాప్ సీడ్ జకోవిచ్ కూడా సునాయాస విజయంతో నాలుగో రౌండ్‌కు దూసుకెళ్లాడు.
మూడో రౌండ్‌లో జకోవిచ్ 61, 64, 61తో లిథువేనియా ఆటగాడు రిచర్డ్ బెరాన్‌కిస్‌ను చిత్తు చేశాడు. మరో మ్యాచ్‌లో పదో సీడ్ డిగో షావార్ట్‌మాన్ (అర్జెంటీనా) విజయం సాదించాడు. జర్మనీ ఆటగాడు ఫిలిప్‌తో జరిగిన పోరులో 64, 62, 61తో జయకేతనం ఎగరు వేసి నాలుగో రౌండ్‌కు చేరుకున్నారు. మరోవైపు 18వ సీడ్ జన్నిక్ సిన్నర్ (ఇటలీ), జాన్ లెనార్డ్ స్ట్రాఫ్ (జర్మనీ) తదితరులు కూడా మూడో రౌండ్‌లో విజయం సాధించి ముందంజ వేశారు. అయితే మహిళల సింగిల్స్‌లో ఐదో సీడ్ స్విటోలినాకు చుక్కెదురైంది. చెక్ క్రీడాకారిణి క్రెజ్‌సికోవాతో జరిగిన మూడో రౌండ్‌లో స్విటోలినా పరాజయం పాలైంది. మరో మ్యాచ్‌లో డిఫెండింగ్ చాంపియన్ స్వియాటెక్ జయకేతనం ఎగుర వేసింది. ఇతర పోటీల్లో సోఫియా కెనిన్, స్లొవానె స్టెఫెన్స్ (అమెరికా), 25వ సీడ్ జాబెవుర్ తదితరులు విజయం సాధించి నాలుగో రౌండ్‌కు చేరుకున్నారు.