- Advertisement -
హైదరాబాద్: సికింద్రాబాద్ లో అమానుష సంఘటన చోటుచేసుకుంది. ఆదివారం రాత్రి జవహర్ నగర్ బస్ స్టాప్ వద్ద ఓ కీచకుడు మహిళతో అసభ్యంగా ప్రవర్తించాడు. బస్టాప్ నుంచి నడిచి వెళ్తున్న మహిళను మారయ్య అనే కూలీ మద్యం మత్తులో బట్టలు విప్పి వివస్త్రను చేసి అసభ్యంగా ప్రవర్తించాడు. ఈ క్రమంలో బాధితురాలిని కాపాడేందుకు వెళ్లిన మరో మహిళపై దాడికి చేసేందుకు యత్నించాడు.
దీంతో మహిళ జవహర్ నగర్ పోలీసులకు సమాచారం అందించింది. వెంటనే సంఘటనాస్థలానికి చేరుకున్న పోలీసులు మహిళను కాపాడి నిందితుడిని అదుపులోకి తీసుకున్నారు. మహిళ ఒంటిపై పోలీసులు కవర్లు కప్పి ఇంటికి పంపించినట్లు తెలుస్తోంది. ఈ ఘటనకు సంబంధించిన పూర్తి వివరాలు తెలియాల్సి ఉంది.
- Advertisement -