- Advertisement -
దుబాయ్: ప్రధాని మోడీ ప్రత్యేక చిత్రాన్ని దుబాయ్‌కు చెందిన 14 ఏళ్ల భారతీయ విద్యార్థి రూపొందించారు. రిపబ్లిక్ డే నాడు ఈ చిత్రాన్ని ప్రధానికి బహూకరిస్తారు. కేరళకు చెందిన తొమ్మిదో గ్రేడ్ విద్యార్థి శరణ్ శశికుమార్ మోడీ రూపు రేఖలతో ఆరు పొరల స్టెన్సిల్ చిత్రాన్ని తయారు చేశారు. సిఐఎస్‌ఎఫ్ సైనికుని దుస్తుల్లో మోడీ శాల్యూట్ చేస్తున్నట్టు ఈ చిత్రం కనిపిస్తుంది. అరబ్ ఎమిరేట్స్‌లో మూడు రోజుల పాటు పర్యటించిన కేంద్ర విదేశీ వ్యవహారాల సహాయ మంత్రి వి. మురళీధరన్‌కు గురువారం ఈ చిత్రాన్ని అందచేశారు. దీనికి మురళీ ధరన్ స్పందించి అభినందనలు తెలిపారు. 90×60 సెంమీ సైజు కొలతలతో ఆరు రంగులతో ఆరు గంటల పాటు ఈ చిత్రాన్ని రూపొందించినట్టు శరణ్ చెప్పారు. కరోనా సమయంలో యుఎఇ అగ్రనేతలతోపాటు అనేక మంది ప్రముఖుల 92 చిత్రాలను శరణ్ రూపొందించారు.
- Advertisement -