- Advertisement -
పాపువా న్యూ గినియాలో భారీ భూకంపం సంభవించింది. శనివారం ఉదయం (స్థానిక సమయం) పాపువా న్యూ గినియాలో 6.9 తీవ్రతతో భూ ప్రకంపనలు సంభవించినట్లు యుఎస్ జియోలాజికల్ సర్వే ప్రకటించింది. పసిఫిక్ ద్వీప దేశమైన ఆలిస్ ద్వీపానికి 10 కిలోమీటర్ల (6 మైళ్ళు) లోతులో ఈ భూకంపం సంభవించిందని తెలిపింది. ఇది న్యూ బ్రిటన్ ద్వీపంలోని కింబే పట్టణానికి తూర్పున 194 కి.మీ (120 మైళ్ళు) దూరంలో ఆఫ్‌షోర్‌లో ఏర్పడినట్లు పేర్కొంది.
భూకంపం వచ్చిన వెంటనే పసిఫిక్ సునామీ హెచ్చరిక కేంద్రం సునామీ హెచ్చరిక జారీ చేయగా, తరువాత ఉపసంహరించుకుంది. భూకంపం కారణంగా పాపువా న్యూ గినియా తీరప్రాంతంలోని కొన్ని ప్రాంతాలలో 1 నుండి 3 మీటర్ల ఎత్తులో అలలు ఎగసిపడతాయని భావించారు. భూ ప్రకంపనల వల్ల ఎలాంటి ప్రాణ నష్టం జరగలేదని అధికారులు పేర్కొన్నారు.
- Advertisement -