వింగ్స్ EV, ఇండోర్ మరియు బెంగళూరులో VC-నిధులతో కూడిన ఎలక్ట్రిక్ వెహికల్ స్టార్టప్, జూన్ 8 & 9, 2023 తేదీలలో ఆమ్‌స్టర్‌డామ్‌లో జరిగిన మైక్రోమొబిలిటీ యూరోప్ కాన్ఫరెన్స్‌లో “NEVలు, మోపెడ్‌లు మరియు బైక్‌లు” కేటగిరీలో వారి ఫ్లాగ్‌షిప్ ఉత్పత్తి ‘రాబిన్’ బెస్ట్ అవార్డును గెలుచుకుంది. మైక్రోమొబిలిటీ యూరప్‌ను మైక్రోమొబిలిటీ ఇండస్ట్రీస్ నిర్వహిస్తుంది, ఇది USలో ఉన్న ఒక గ్లోబల్ ప్లాట్‌ఫామ్, ఇది చిన్న వాహనాలను మరియు మన నగరాలను సమూలంగా పునర్నిర్మించేశక్తిని కలిగి ఉంటుంది.
వింగ్స్ EV, ఇండోర్ మరియు బెంగళూరులో VC-నిధులతో కూడిన ఒక ఎలక్ట్రిక్ వెహికల్ స్టార్టప్, ఈవెంట్‌లో తమ ప్రత్యేకమైన ఎలక్ట్రిక్ మైక్రోకార్ రాబిన్ ను ఆవిష్కరించింది. రాబిన్, “అల్టిమేట్ సిటీ రైడ్”, పూర్తిగా కవర్ చేయబడిన రెండు-సీట్లు గల కాంపాక్ట్ ఫోర్-వీలర్, ఇది మోటర్‌బైక్ యొక్క పొడవు మరియు వెడల్పును కలిగి ఉంటుంది. ఒక మోటర్‌బైక్ ను ఎక్కడైనా ఎలాగైతే డ్రైవ్ చేయగలుగుతామో మరియు పార్క్ చేయగలుగుతామో రాబిన్‌ను కూడా అదే విధంగా చేయవచ్చు. ఈ విధంగా, రాబిన్ నగరంలో రోజువారీ డ్రైవింగ్‌కు అనువైన చిన్న కారు, అలాగే భద్రత మరియు సౌకర్యంతో ద్విచక్ర వాహనం యొక్క మొబిలిటీని మిళితం చేస్తుంది.
రాబిన్ పూర్తిగా ఆటోమేటిక్, గరిష్టంగా 60 kmph వేగంతో ప్రయాణించే సామర్థ్యాన్ని కలిగివుంది మరియు సాధారణ సిటీ డ్రైవింగ్ పరిస్థితులలో ఒకే ఛార్జ్‌తో 90 కిలోమీటర్లు నడుస్తుంది. ఇది LFP (లిథియం ఫెర్రస్ ఫాస్ఫేట్) బ్యాటరీ ప్యాక్‌ను కలిగి ఉంది, ఇది దాని ఆన్‌బోర్డ్ ఛార్జర్‌ని ఉపయోగించి స్టాండర్డ్ 15A పవర్ సాకెట్ నుండి 4.5 గంటల్లో ఛార్జ్ అవుతుంది. రాబిన్‌కు ఎటువంటి ఖరీదైన ఛార్జింగ్ పరికరాలు అవసరం లేదు మరియు ఈ సంవత్సరం చివరి నుండి భారతదేశంలో ఆర్డర్ చేయవచ్చని భావిస్తున్నారు.
ప్రణవ్ దండేకర్, సహ వ్యవస్థాపకుడు మరియు CEO,వింగ్స్ EV,ఇలా అన్నారు, “వింగ్స్ EVలో, లోతైన, వినియోగదారు-కేంద్రీకృత రూపకల్పన మరియు ఆవిష్కరణల ద్వారా మా నగరాల్లో ట్రాఫిక్ రద్దీ సమస్యను పరిష్కరించడానికి మేము కట్టుబడి ఉన్నాము. మా మొదటి ఉత్పత్తి రాబిన్ ఈ ప్రతిష్టాత్మక అవార్డును అందుకోవడం మాకు చాలా గౌరవంగా ఉంది. మైక్రోమొబిలిటీ యూరప్‌లో ఉత్తమ-కేటగిరీ అవార్డును గెలుచుకోవడం, భారతీయ మార్కెట్ కోసం మరిన్ని సంచలనాత్మక మొబిలిటీ ఉత్పత్తులపై పని చేయడానికి మాకు గొప్ప ప్రేరణనిస్తుంది. ఇతర 60 ప్రపంచ స్థాయి ఉత్పత్తులతో పోటీపడి గెలుపొందిన ఈ అవార్డు, వింగ్స్ EVలో అందరి ప్రతిభ మరియు కృషికి నిదర్శనం. భారతీయ నగరాలకు ఈ మొబిలిటీ ఆవిష్కరణను తీసుకురావాలనే మా కలను నెరవేర్చడానికి కృషి చేసిన ప్రతి వ్యక్తిని నేను ఈ సందర్భంగా అభినందిస్తున్నాను.”
వింగ్స్ EV 2018 నుండి ఈ వినూత్న కాన్సెప్ట్‌ను డిజైన్ చేసి అభివృద్ధి చేస్తుంది. వారు తమ ఆల్ఫా (ప్రారంభ) ప్రోటోటైప్‌లను 2021లో రూపొందించారు మరియు భారతదేశంలోని 6 నగరాల్లో విస్తృతమైన మార్కెట్ పరిశోధనను నిర్వహించారు. ప్రజల మొబిలిటీ అవసరాలు, ద్విచక్ర వాహనాలతో వారి భద్రతా సమస్యలు మరియు నగరంలో కారు డ్రైవింగ్ మరియు పార్కింగ్‌లో వారి సమస్యలపై లోతైన పరిశోధన ఆధారంగా వాహన స్పెసిఫికేషన్‌లు, ఫీచర్లు ఉన్నాయి. ఇది దాని ప్రీ-ప్రొడక్షన్ ప్రోటోటైప్‌లను రూపొందించింది, అవి టెస్టింగ్‌లో ఉన్నాయి మరియు హోమోలోగేషన్ కోసం ARAIకి సమర్పించబోతున్నాయి. రాబిన్‌ను క్వాడ్రిసైకిల్ (L7)గా వర్గీకరిస్తారు, దీన్ని డ్రైవ్ చేయడానికి రిజిస్ట్రేషన్ మరియు కార్ డ్రైవింగ్ లైసెన్స్ అవసరం.