రాబిన్‌హుడ్ సినిమా అద్భుతంగా వచ్చింది

హీరో నితిన్ హైలీ యాంటిసిపేటెడ్ హీస్ట్ కామెడీ ఎంటర్‌టైనర్ రాబిన్‌హుడ్. శ్రీలీల కథానాయికగా నటించింది. వెంకీ కుడుముల దర్శకత్వం వహించిన ఈ సినిమాని మైత్రి మూవీ మేకర్స్ హై నిర్మిస్తోంది. ఈ చిత్రంలో నట కిరీటి రాజేంద్రప్రసాద్ కీలక పాత్ర పోషించారు. ఈ సినిమా మార్చి 28న థియేటర్లలో విడుదలకు సిద్ధమవుతోంది. ఈ సందర్భంగా మేకర్స్ భీమవరంలోని ఎస్‌ఆర్‌కెఆర్ ఇంజనీరింగ్ కాలేజ్‌లో గ్రాండ్ ఈవెంట్ నిర్వహించారు. గ్రాండ్‌గా జరిగిన ఈవెంట్‌లో హీరో నితిన్ మాట్లాడుతూ.. ‘అందరూ రాబిన్ వుడ్ సినిమా చూడండి. సినిమా అందరినీ అలరిస్తుంది’ అని అన్నారు. హీరోయిన్ శ్రీలీల మాట్లాడుతూ.. మార్చి 28న సినిమా చూడండి. చాలా ఎంజాయ్ చేస్తారు. చదువుకునే సమయంలో మంచి బ్రేక్ కోసం చూసే సినిమా ఇది’ అని పేర్కొన్నారు. డైరెక్టర్ వెంకీ కుడుముల మాట్లాడుతూ.. ‘మా సినిమా నుంచి వేర్ ఎవర్ యు గో, వన్ మోర్ టైం, అది దా సర్‌ప్రైజ్ మూడు పాటలు రిలీజ్ అయ్యాయి. ఈ మూడు పాటల్లానే ప్రతి కాలేజ్‌లో మూడు రకాల స్టూడెంట్స్ వుంటారు. ఒకళ్ళు బాగా చదివి క్యాంపస్ ప్లేస్ మెంట్స్ లో వేర్ ఎవర్ యు గో ఐ ఫాలో అన్నట్లుగా జాబ్స్ కొట్టేశారు. రెండో క్యాటగిరీ వన్ మోర్ టైం అంటూ బ్యాక్ లాగ్స్ రాస్తుంటారు. నిర్మాత రవి లాగా మూడో క్యాటగిరీ. ఆయన ఇంజనీరింగ్ చదివి ఇండియాస్ బిగ్గెస్ట్ ప్రొడ్యూసర్ అయ్యారు. ఏది చేసిన హార్ట్ ఫుల్ గా చేయండి. తప్పకుండా సక్సెస్ అవుతారు. రాబిన్ వుడ్ కూడా హార్ట్ ఫుల్ గా చేశాం. సినిమా చూసి మమ్మల్ని ఆశీర్వదించండి‘ అని తెలిపారు. ప్రొడ్యూసర్ వై రవి శంకర్ మాట్లాడుతూ ‘రాబిన్ వుడ్ సినిమా అద్భుతంగా వచ్చింది. మార్చి 28న సినిమాకి వెళ్ళండి. చాలా ఎంజాయ్ చేస్తారు. ఈ సినిమా పెద్ద బ్లాక్ బస్టర్ అవుతుందనే నమ్మకం వుంది‘ అని అన్నారు.