వేగంగా వృద్ధిచెందుతున్న ఆహార పరిశ్రమ రంగం

కేటరింగ్‌కు పెరుగుతున్న డిమాండ్
హైదరాబాద్‌లో రూ.7100కోట్లు పెట్టుబడి

హైదరాబాద్ : ఆహార పరిశ్రమ రంగం వేగంగా వృద్ధిచెందుతూ వస్తోందని పుడ్‌లింక్ సిఈవో సంజయ్ వజిరాణి వెల్లడించారు. తమ సంస్థను ఆహరోత్పత్తులకు పేరుమోసిన హైదరాబాద్ నగరానికి విస్తరించనున్నట్టు తెలిపారు. మంగళవారం మీడియా సమావేశంలో సంజయ్ మాట్లాడుతూ అంబానీ-పిరమల్, దీపికా-రణ్‌వీర్ పెళ్లిళ్లకు కేటరింగ్ అందించే లగ్జరీ క్యాటరింగ్ సంస్థ హైదరాబాద్‌కు విస్తరిస్తోందన్నారు.రూ. 7100 కోట్ల పెట్టుబడి పెట్టడం ద్వారా తెలంగాణ రాష్ట్రం కోసం ప్రతిష్టాత్మకమైన ప్రణాళికలను రూపొందించింనట్లు తెలిపారు.

ఈ ఆర్థిక సంవత్సరంలో ఫుడ్‌లింక్ గ్రూప్ టర్నోవర్ 450 కోట్లను అధిగమించే అవకాశం ఉందన్నారు. రాబోయే 3 నుండి 4 సంవత్సరాలలో 800 నుండి 1000 కోట్లకు చేరుకోవాలని లక్ష్యంగా పెట్టుకున్నట్టు తెలిపారు.లగ్జరీ క్యాటరింగ్ భారతదేశంలో వేగంగా అభివృద్ధి చెందుతున్న నగరాల్లో ఒకటైన హైదరాబాద్‌కు తమ విస్తరణ ప్రణాళికాను ప్రకటించారు. ఫుడ్‌లింక్ దేశంలోని అహ్మదాబాద్, చండీగఢ్, ఢిల్లీతోపాటు ఇప్పుడు హైదరాబాద్‌కు విస్తరించిందన్నారు. అంతర్జాతీయంగా అంతల్య (టర్కీ), దుబాయ్ (యుఎఇ), మరియు మిలన్ (ఇటలీ), ఆసియా పసిఫిక్, యూరప్, మిడిల్ ఈస్ట్ మరియు ఆఫ్రికా అంతటా 25 దేశాలలో ప్రీమియం క్యాటరింగ్ ప్రాజెక్ట్‌లను అమలు చేసిందని తెలిపారు.  హైదరాబాద్ బిర్యానీ, బ్యాడ్మింటన్ , బాహుబలికి ప్రసిద్ధి చెందిందన్నారు. తాము కూడా హైదరాబాద్ నగరాన్ని ఎంచుకున్నామని, ఇది చాలా ఇన్‌బౌండ్ అవుట్‌బౌండ్ గ్రాండ్ వెడ్డింగ్‌లకు దారితీసే వాణిజ్య కేంద్రంగా ఉందన్నారు. ఈ ప్రయోగంతో, తాము దక్షిణ భారత భూభాగాల లగ్జరీ క్యాటరింగ్ ల్యాండ్‌స్కేప్‌ను మార్చాలని లక్ష్యంగా పెట్టుకున్నామన్నారు. వృత్తిపరమైన క్యాటరింగ్ అనేది భారతదేశంలో అభివృద్ధి చెందుతున్న పరిశ్రమఅని , దీని అంచనా ప్రస్తుత పరిమాణం రూ. 20,000 కోట్లతో దాదాపు 25 నుండి 30శాతం వార్షిక వృద్ధిని అంచనా వేస్తుందని తెలిపారు.. సామాజిక సమావేశం, కార్పొరేట్ ఈవెంట్ లేదా పెళ్లి వంటి ఏదైనా ఈవెంట్‌ల విజయానికి క్యాటరింగ్ కీలకమైన అంశంగా మారిందన్నారు.దేశంలో ప్రతి సంవత్సరం దాదాపు 10 మిలియన్ల వివాహాలు జరుగుతాయని, హైదరాబాద్ నగరం దాని వేషధారణ, వంటకాలు, జీవనశైలి , వివాహాలలో గొప్పగా, రాచరికంగా ఉన్నందున చాలా అవకాశాలను కలిగి ఉందని సంజయ్ పేర్కొన్నారు.