హర్యానా: తన భర్తపై ఫిర్యాదు చేసేందుకు పోలీస్ స్టేషన్‌ను ఆశ్రయించిన ఓ వివాహితపై అక్కడి సబ్ ఇన్స్పెక్టర్, అతని సహచరులు సామూహిక అత్యాచారానికి పాల్పడ్డారు. నిందితులు ఆమెను ఓ ఇంట్లో మూడు రోజుల పాటు బందీగా ఉంచి పలుమార్లు అత్యాచారం చేశారు. తరువాత మహిళను మరొక వ్యక్తికి విక్రయించారని, అతను కూడా ఆమెపై లైంగిక వేధింపులకు పాల్పడ్డాడని అధికారులు తెలిపారు.
ఆదివారం హసన్‌పూర్‌ పోలీస్ స్టేషన్‌ సబ్ ఇన్స్పెక్టర్ సహా ఏడుగురిపై ఎఫ్‌ఐఆర్‌ నమోదైంది. నిందితులలో ఒకరి ఫోన్‌ను పట్టుకోవడంతో, మహిళ పోలీసులకు సమాచారం అందించగా రక్షించినట్లు వారు తెలిపారు. పోలీసులు మహిళను ఆమె కుటుంబ సభ్యులకు అప్పగించి కేసు దర్యాప్తు చేస్తున్నారు. సబ్-ఇన్స్పెక్టర్ మొదట్లో ఆమె ఫిర్యాదును దాఖలు చేయడానికి నిరాకరించడంతో బదులుగా ఆమెను తన సహచరులతో కలిసి వెళ్లమని బలవంతం చేశాడు.
ముగ్గురూ ఆమెపై అత్యాచారం చేయడంతోపాటు అసభ్యకర వీడియోలు కూడా చిత్రీకరించారు. వీడియోలను ఆన్‌లైన్‌లో ప్రసారం చేస్తానని బెదిరించి, ముగ్గురు ఆమెను పల్వాల్‌లోని శాంతి అనే మహిళ ఇంటికి తీసుకెళ్లారు. అక్కడ రాత్రిపూట ఆమెను ఉంచి అత్యాచారం చేశారు అని మహిళ ఫిర్యాదులో పేర్కొంది.