వెటరన్ ప్రొడ్యూసర్ ఏడిద నాగేశ్వరరావు స్థాపించిన పూర్ణోదయ… ఇప్పుడు శ్రీజ ఎంటర్‌టైన్‌మెంట్స్‌తో తిరి గి నిర్మాణంలోకి వచ్చింది. మిత్రవింద మూవీస్‌తో కలి సి ఏడిద నాగేశ్వరరావు మనవరాలు శ్రీజ ‘ఫస్ట్ డే ఫస్ట్ షో’ చిత్రాన్ని నిర్మిస్తుండగా, ఆయన కుమారుడు ఏడి ద శ్రీరామ్ ఈ చిత్రాన్ని సమర్పిస్తున్నారు. ‘ఫస్ట్ డే ఫస్ట్ షో’ సరికొత్త కామెడీ ఎంటర్ టైనర్. రాధన్ సంగీతం అందిస్తున్న ఈ చిత్రం నుండి మొదటి లిరికల్ వీడియో ‘మజ్జా మజ్జా’ సాంగ్‌ని విడుదల చేసి ఆడియో ప్రమోషన్‌లను ప్రారంభించింది చిత్ర యూనిట్. హీరో తన ప్రేయసి ఉద్దేశించి పాడుకున్న ఈ పాట కాలేజీ నేపధ్యంలో క్లాస్‌గా మొదలై పెప్పీ డ్యాన్స్ నెంబర్‌గా టర్న్ తీసుకోవడం ఆసక్తికరంగా వుంది. వంశీధర్ గౌడ్ , వాసు వలబోజుల తెలంగాణ యాసలో పాటకు రాసిన సాహిత్యం క్యాచీగా వుంది. ఆంథోని దాసన్ ఫుల్ ఎనర్జిటిక్‌గా పాడిన ఈ పాటకు విశ్వ రఘు మాస్టర్ డిఫరెంట్ కొరియోగ్రఫీ అందించారు. శ్రీకాంత్ రెడ్డి తన డ్యాన్స్ మూవ్స్‌తో ఆకట్టుకున్నాడు. జాతిరత్నాలు దర్శకుడు అనుదీప్ కెవి ఈ చిత్రం రైటింగ్ విభాగంలో వున్నారు. ఈ చిత్రానికి కథ అందించిన అనుదీప్… వంశీధర్ గౌడ్, కళ్యాణ్‌లతో పాటు స్క్రీన్ ప్లే కూడా అందించారు. ఈ చిత్రానికి డైలాగ్స్‌ను అనుదీప్ కెవి, వంశీధర్ గౌడ్ రాశారు. వంశీధర్ గౌడ్, లక్ష్మీనారాయణ.పి సంయుక్తంగా ఈ చిత్రానికి దర్శకత్వం వహిస్తున్నారు.