మనతెలంగాణ/హైదరాబాద్: ముంబైకి చెందిన గంజాయి స్మగ్లర్ బాబు ఖాలేను హైదరాబాద్ నగర శివారులో నార్కోటిక్స్ కంట్రోల్ బ్యూరో అధికారులు శనివారం అరెస్ట్ చేశారు. ఈక్రమంలో బాబు ఖలే వద్ద నుంచి పెద్ద మొత్తంలో గంజాయి స్వాధీనం చేసుకున్నారు.ఆంధ్రా నుంచి మహారాష్ట్రకు గంజాయి సరఫరా చేస్తున్న ఖాలే కోసం గత కొన్ని సంవత్సరాలుగా పోలీసులు గాలిస్తున్నారు. గంజాయి స్మగ్లింగ్ కేసుల్లో బాబు ఖాలే కీలక సూత్రధారిగా ఉన్నాడని.. ముంబై, ఎపి, తెలంగాణ రాష్ట్రాల్లో ఇప్పటి వరకు దొరికిన గంజాయి స్మగ్లింగ్ వెనకాల బాబు ఖాలే హస్తం ఉందని ఎన్‌సిబి అధికారులు పేర్కొంటున్నారు. ఖాలేతో పాటు మరో ముగ్గురిని అరెస్టు చేసి రిమాండ్ కు తరలించారు. కాగా గంజాయి స్మగ్లింగ్ వెనకాల బాబు ఖాలే పాత్రపై మరిన్ని వివరాలు సేకరించేందుకు అనతికాలంలో అతన్ని కస్టడీకి తీసుకోనున్నట్లు నార్కోటిక్స్ కంట్రోల్ బ్యూరో అధికారులు అధికారులు వివరించారు.
Ganja Smuggler babu khale arrested in Hyd outskirts