మెగాస్టార్ చిరంజీవి 153వ సినిమాను మోహన్ రాజా తెరకెక్కిస్తుండగా.. కొణిదెల ప్రొడక్షన్స్, సూపర్ గుడ్ ఫిలిమ్స్ కలిసి సంయుక్తంగా నిర్మిస్తున్నారు. ఈ చిత్రానికి గాడ్ ఫాదర్ అనే పవర్‌ఫుల్ టైటిల్‌ను ఫిక్స్ చేశారు. చిరంజీవి బర్త్ డే సందర్భంగా రిలీజ్ చేసిన టైటిల్ మోషన్ పోస్టర్‌కు అధ్బుతమైన స్పందన వచ్చింది. ఈ సినిమాలో పవర్‌ఫుల్ పాత్రలో చిరు కనిపించబోతున్నారు. దర్శకుడు మోహన్ రాజా ఈ పొలిటికల్ యాక్షన్ డ్రామాకు తెలుగు ప్రేక్షకుల అభిరుచి మేరకు మార్పులు చేశారు. ఈ మూవీ షూటింగ్ గత నెలలో హైదరాబాద్‌లో ప్రారంభమైంది. మెగాస్టార్ మీద అదిరిపోయే యాక్షన్ సీక్వెన్స్‌లను తెరకెక్కించారు. ఇక ఈ మూవీ కొత్త షెడ్యూల్ సోమవారం ప్రారంభమైంది. ఈ షెడ్యూల్‌లో చిరంజీవి, ఇతర ముఖ్య తారాగణం మీద కొన్ని కీలక సన్నివేశాలను తెరకెక్కిస్తున్నారు. కొణిదెల సురేఖ సమర్పణలో ఆర్‌బి చౌదరి, ఎన్‌వి ప్రసాద్ ఈ చిత్రాన్ని నిర్మిస్తున్నారు.